【100%多啦 A 夢户外展區】逢星期二 12:00 開放免費展區預約,有 34 個多啦 A 夢及 10 位親友100%原大雕塑!
「100%多啦A夢&FRIENDS」最近掀起全城熱話,雖然付費區嘅門票一早已經賣晒,但仍然可以參觀免費展區,不過要提提大家,戶外免費展區有部份位置都需要網上預約,去到先有得免費參觀,Klook 逢星期二會開放下一個星期嘅預訂,即早會於聽日 7 月 16 日(中午 12 時),開放預約 7 月 20 至 7 月 26 日嘅免費參觀名額,想去就準時去 Klook 預約喇。