【榴槤愛好者必試!】唯港薈馬來西亞榴槤節2021回歸!每位 HK$780 歎馬來西亞榴槤果肉拼盤一次過品嚐 5 款,仲有超多榴槤甜鹹點及凍海鮮,必食蟹膏麵包蟹、刺身!
榴槤愛好者注意!唯港薈馬來西亞榴槤節 2021回歸喇!酒店推出榴槤早午自助餐,由即日起至 8 月 29 日於指定日子供應(集中於星期五、六日),於一樓Silverbox 宴會廳享用,成人每位 HK$780(連服務費後 HK$858),由 11 點 45 分至下午 3 點食足 3 個幾鐘,食物方面真係非常豐富,唔單止甜點有榴槤鹹點都有!
早午自助餐每位客人都會有一份馬來西亞榴槤果肉拼盤,一次過品嚐 5 款榴槤,包括彭享洲嘅D197貓山王、來自檳城嘅D175紅蝦及D163葫蘆、柔佛洲嘅D101柔佛黃金以及酒店行政總廚何偉誠師傅 Danny 重點推介嘅神秘榴槤品種海龍皇,一口氣試足 5 款榴槤真係超級正!師傅會教你先由較淡榴槤開始品嚐,最後再食最濃郁嘅,除咗榴槤拼盤之外,每位客人仲會有一份貓山王榴槤銀耳燉紅棗白玉湯同埋榴槤焗釀珍菌波士頓龍蝦 (半隻)。
至於任食方面選擇更加係超級多,鹹點方面有榴槤咖啡排骨、榴槤鹹蛋麥皮蝦、香脆榴槤銀絲櫻花蝦鮮雞春卷等等,而甜品就有榴槤芝士餅、榴槤芒果糯米飯及榴槤雪糕十數款,鐘意食榴槤的話真係絕對唔可以錯過!除咗榴槤食物之外,仲有好多款嘅冰鎮海鮮包括回本既麵包蟹,還有日式刺身、冷盤、沙律,客人仲可以無限添飲紅白餐酒、氣泡酒、果汁、汽水同埋食 Häagen-Dazs™ 雪糕,真係會超飽超滿足!食到 1 點幾左右酒店仲會舉行抽獎添,都幾有氣氛㗎!
優惠詳情和預訂網址:
https://www.hotel-icon.com/zh-tw/offers/malaysian-durian-festival
▼每人會有一盤馬來西亞榴槤果肉拼盤,一次過品嚐 5 款榴槤,包括彭享洲嘅D197貓山王、來自檳城嘅D175紅蝦及D163葫蘆、柔佛洲嘅D101柔佛黃金以及酒店行政總廚何偉誠師傅 Danny 重點推介嘅神秘榴槤品種海龍皇。(一人五款,下圖為二人份量)
▼D197 貓山王(最左)果肉呈金黃色、肉身飽滿,香味濃郁,口感綿密軟糯;D175 紅蝦果肉呈漂亮的橙紅色,味道甘甜及帶淡淡奶油香氣、口感綿密,一次可以試 5 款真係勁正啊!
▼每人會有一份榴槤焗釀珍菌波士頓龍蝦 (半隻),蟹鉗仲要已經起好殼添,超方面!
▼貓山王榴槤銀耳燉紅棗白玉湯入面有少少榴槤肉,飲落去都唔會覺得奇怪,有淡淡榴槤香添!
▼鹹點方面都有唔少榴槤為食材嘅食物,包括榴槤咖啡排骨、榴槤鹹蛋麥皮蝦、香脆榴槤銀絲櫻花蝦鮮雞春卷,真係每一啖都聞到榴槤香味!
▼至於甜點都係大部分以榴槤為主,Hotel Icon 嘅榴槤甜品向來水準都不錯,超好味!
▼呢個榴槤雪糕都係必食,最底係一球榴槤雪糕,上面再加上一層濃郁嘅榴槤蓉,濃上加濃超正!
▼除咗榴槤美食之外,都仲有好多唔同食物,當中包括凍海鮮,麵包蟹超多膏,仲有青口、蜆、海蝦,全部都好夠新鮮!
▼超多膏麵包蟹
▼刺身都有 4 – 5 款!
▼除此之外仲有好多冷盤同熟食,食物種類好豐富!
▼以馬來西亞為主題,肉骨茶足料之餘湯都好好飲!
▼仲可以無限添飲紅白餐酒、氣泡酒、果汁、汽水添!
榴槤自助早午餐
日期︰2021 年 7 月 16、23、24、31 及 8 月 6、7、8、13、14、20、21、27、28 及 29 日
時間︰上午 11 時 45 分至下午 3 時
價錢:成人港幣780元* | 兒童(3-11歲)港幣480元*(需於預訂時支付全費)
地點︰一樓 Silverbox 宴會廳
Hotel ICON 唯港薈
地址:香港九龍尖沙咀東部科學館道 17 號
優惠詳情和預訂網址:
https://www.hotel-icon.com/zh-tw/offers/malaysian-durian-festival
Hotel ICON 唯港薈其它住宿優惠