【星野集團首次進駐岐阜縣】49 間客房全為「飛騨 MOKU 之間」，設大浴場、足浴、中庭大浴場，享日式會席料理
星野集團又有新酒店喇！今次係旗下嘅溫泉旅館品牌「界」的第 24 家設施「界奧飛驒」，剛於 2024 年 9 月 5 日喺日本岐阜縣—奧飛驒溫泉鄉正式開幕，今次更加係星野集團首次進駐岐阜縣添！
「界」係主打舒適客房、公共空間、溫泉、會席料理及當地傳統工藝及藝術文化嘅酒店系列。今次選址奧飛驒溫泉鄉，畀住客更能深入感受當地嘅溫泉及文化。奧飛驒溫泉鄉係日本少數嘅溫泉寶地之一，每分鐘高達 37,000 公升嘅豐富溫泉水量。「界 奧飛驒」設計靈感來自當地溫泉街，中庭被東、西客房棟、湯小屋棟以及獨立建築所環繞，畀客人喺享受館內大浴場和客房露天溫泉嘅同時，亦可以感受中庭嘅設計，中庭深處仲有足浴，客人可以邊泡腳邊欣賞山景。
酒店嘅設施有大廳、餐廳、旅行圖書館、商店、浴後休息區、大浴場（男女分開，各設 1 個露天溫泉、2 個內溫泉）、足浴、中庭大浴場。露天溫泉設計靈感來自於奧飛騨豪雪地帶常見嘅雪廊，頭頂設有一個開口，可以見天空！室內溫泉就有「熱湯」及「溫湯」，泉質係鈉・鈣-碳酸氫鹽・氯化物泉，可以解肌肉和關節慢性疼痛、割傷、畏寒、皮膚乾燥、憂鬱狀態、恢復疲勞、促進健康等。「界 奧飛驒」一共有 49 間客房，全部都係「飛騨 MOKU 之間」房型，天然木材、華麗「紅色」、傳統漆器「飛驒春慶」等等設計風格融入房間。所有客房皆配備由當地家具製造商所製作飛驒曲木椅，28間客房還設有露天溫泉與可供濕身入座的防水沙發，可以瘋狂浸溫泉！
客人入住期間可以體驗當地文化嘅「當地樂」- 「飛驒木匠體驗」活動，親手彎曲木材，並製作出用界原創風呂敷包裹的曲木手柄。另外仲可以感受當地風情嘅日式會席料理，當中「飛驒牛朴葉包燒」係主打，將飛驒牛肉包裹在朴葉中，並配以傳統的「つと（Tsuto）」，感受當地嘅鄉土風情。
酒店地點便利，從平湯巴士總站步行約 4 分鐘即可到達，每晚 31,000 日圓起（2人1室、含稅及服務費、含早晚餐），約 HK$1,716 起！
預訂網址：https://hoshinoresorts.com/zh_tw/hotels/kaiokuhida/
▼日本岐阜縣—奧飛驒溫泉鄉
▼露天溫泉
▼日式會席料理
▼「飛驒木匠體驗」活動
▼足浴
▼大廳
▼「飛騨 MOKU 之間」房型
星野集團 界 奧飛驒
地址：〒506-1433 岐阜縣高山市奧飛騨溫泉鄉平湯138
▼預訂網址▼
https://hoshinoresorts.com/zh_tw/hotels/kaiokuhida/
