布吉拉揚海灘安娜塔拉渡假村 Anantara Layan Phuket Resort – 奢華和私隠度滿分的 Deleux Pool Villa 房
Check-in 既時候,工作人員就熱情地為我帶上用小花編織成的手環,然後奉上 Anantara 的特色飲品(味道不錯),服務很好呢~
今次入住的,是 Deluxe Pool Villa (豪華泳池別墅房),房間有 100 平方米。踏進大門後,第一眼望到就是我們個私人泳池,個私人泳池都唔細架,有足足 5 米 x 3 米,私隠度亦十分之好,四面有牆圍住,沒有人可以見到屋內的情況。
水深 1.4 米
泳池旁放了一個木製浴缸, Size 超大,夜晚回到酒店,可以在戶口外浸浴,爽。
房間內有 Nespresso 咖啡機(連咖啡膠囊) 可以免費享用, 亦有 Welcome 生果,入到黎房間真係覺得好舒服。開頭我對 Anantara 的印象麻麻地,但入到房都已經感受到那份奢華和其他酒店的分別,房間內每樣用品都不會用一般的平價貨色,住落去就會體會到好多擺切都比其他酒店好。
床頭有一個好精緻的玻璃瓶,內裏有張紙寫住我們的管家名字。
打開床旁邊的這對木門,就是一個分放式的衛生間,一邊是沐浴區,另一邊就是廁所。
我們最愛那些盥洗用品,香味怡人,勁好用。
另外,驚喜的地方還包括房既門卡,已經再不是卡了,而是一條手帶,出街只要戴在手就不怕忘記帶門卡了,這條手帶亦可以下水,所以連游泳都不用脫,我真心覺得好方便。
酒店設施
酒店早餐
講到早餐,簡直是我們見過擺放得最精緻的早餐,淨係見到賣相已經好吸引,食物既種類又多,當然味道都好好味。早餐有紅酒白酒任飲….
應本上係大部份食物都用一些好靚既玻璃瓶來盛載,有一種見到但唔捨得食既感覺。唔講咁多,大家自己睇相啦。
總結
我地上次住了兩晚,第二日我地因為要出島參考一日遊團,沒有時間去食酒店個早餐,酒店知道我地行程後,竟然早上包了一個食物盒俾我地,入面有三文治和橙汁,開頭我仲擔心嗰日早上一定無野食,所以我地覺得酒店真係好細心。今次入住真係好滿意,攪到我地下次旅行想再住番 Anantara 既酒店。
Anantara 在泰國布吉除了我們入住這一間在 Layan Beach 之外,佢地有另一間在邁考 Beach ,同依間唔同之處係有 2 Bedroom Pool Villa 房型,即係如果一家人或一班朋友(最多4 個人)可以住埋一齊,而房間又有 Private Pool 。
邁考 Anantara Resort 網址:
其他布吉既酒店介紹,或相關遊記,去以下網址參考啦:
布吉文章目錄
<布吉平民美食>
布吉平民美食分享:Savoey Seafood Restaurant、Ging Restaurant 和 日式自助放題火鍋 Shabushi
<布吉酒店推介>
1. 布吉自由行選酒店 – Pool Villa 或有 Private Pool 的酒店總整理
2. 【布吉 Pool Villa 酒店推介】Wings Phuket Villa by Two Villas Holiday,戶戶有私家泳池,布吉又平質素又好的 Pool Villa 酒店。
3.【布吉蜜月之旅Honeymoon酒店推介】Keemala Resort 鳥巢酒
4. 布吉夜機或凌晨機住宿解決方法 – Perennial Resort