層雲峽紅葉谷賞紅葉、賞楓記 | 北海道遊記 Day 2
第二日行程,我們決定一日遊去層雲峽看紅葉和看雪。本來我們只是決定賞紅葉,去之前幾日先知層雲峽已經落雪,其實我地 10 月去北海道無諗過會見到雪,所以當日行程係勁有驚喜,今次亦都係 Carol 第一次見到落雪。
由札幌去層雲峽需要三個鐘,哈哈,所以我相信無乜人會好似我地咁,為左去睇紅葉,即日來回去層雲峽。
札幌去層雲峽紅葉谷交通
交代下交通先啦~~
1. JR 札幌 –> JR 上川站 (需時 2 小時 19 分)
2. JR 上川站外坐去道北巴士 (需時約 30 分鐘)
因為札幌去JR 上川站車費都要 3,670 Yen ,指定席再要加 2,680 Yen ,強列建議大家一定要先買北海道 JR Pass,北海道 JR Pass 可預先透過 KKday 網站買,會平少少。 3 日券 HK$1,319、5日券 HK$1,759 和 7日券 HK$1,919 。
購買網址:https://www.kkday.com/zh-tw/product/3495
我地當日為左可以坐到早上 7:21 的車 (網走線),嘩,真係勁早要起身……
架特急會停在第 8 號月台,跟番指示牌行就 OK 。
這架是特急列車,總站是網走,會經過旭川,再到達上川。
因為我地有北海道 JR Pass,買車票時可以買指定席,即指定位置。
車箱
9:40 分,我們就到達上川站了
到達上川駅後,要再轉巴士才能到達層雲峽。巴士站在上川駅大約步行 1 分鐘位置,離開後向右方行就會見到去層雲峽的巴士站。
上川站去層雲峽巴士時間表
JR 列車準時在早上 9:40 到達 JR 上川駅,然後我地就坐 9:50 分開出的道北巴士。不過大家不用擔心,因為巴士是跟據 JR 時間設計,所以落 JR 後一定夠時間上巴士。
總站是層雲峽。車費 870 Yen ,其實日本既交通真係幾貴,半小時巴士都要 870 Yen ,大約已經要 HK$64 蚊,柴灣搭到荃灣都唔洗咁貴……
我們到達層雲峽後,天氣開始大變 !!! 落起了大風雪,我沒有誇張,當時不是普通的下雪,而且是十分之大風地再下雪,當時好擔心究竟仲去唔去到紅葉谷。
雖然好凍好大雪,不過 Carol 好開心,因為是她第一次見到下雪
層雲峽紅葉谷
冒住咁惡劣既天氣,我地照步行去紅葉谷,如果不下雪,正常步行 10 鐘就會到達紅葉谷入口,但當時我地好擔心,因為係勁大雪,好彩一路行就慢慢開始停雪,仲出埋太陽添。
之後我地就繼續步行去紅葉谷,途中已經見到紅葉喇~~~
北海道既天氣真係變化得好快,轉眼間又出太陽
沿著紅葉谷入口的一段路,紅葉開得好燦爛,意想不到日本的紅葉,紅得特別鮮紅,確實是一個非常正的賞楓景點
嘩!這裏的紅葉真係超靚呀,超靚呀
正在盛放的紅葉,吸引了我們的目光,真係開得超鮮艷,讓我們留下好深刻的印象。
沿路會有指示版,指示葉谷方向
大雪山國立公園的紅葉谷,其實好細,由這個入口走到盡路紅葉滝位置,再回到入口處,大約一小時,所以這裏散散步最適合不過。
不過當天我們完全被美不勝收的紅葉深深的吸引著,相機和手機也不停地拍照,最少也行了兩小時。
當日在紅葉谷公園,還有幾隻小鹿出沒
半小時前天氣還是下著大風雪,半小時後竟然可以有藍天白雲,真係好感恩當日可以欣賞到美得像畫的風景。
之後我地續行
部份紅葉散落在地上
其實紅葉谷的紅葉,主要在入口處的一段路,進入了紅葉谷其實已經沒有太多紅葉。所以如果大家一心只來看紅葉,來到入口處已經好足夠,後半段路主要是山水景色。
因為剛下完雪的原故,地面十分之濕滑,路上變成了泥路!頂,仲要係好多段路都係咁….. 當時見到這個情況實在有半點後悔,因為鞋和牛仔褲都已經被泥沾污 ,當晚回到酒店有排洗!
最後我們終於到達「紅葉滝」,即紅葉瀑布的位置。
我地來到紅葉滝的時候,天息又開始變差,沒留多久就離開,因為怕好像早上一像下雨般的落雪,落山會好難行。
之後我地番去層雲峽商店街附近食 Lunch ,就準備回札幌喇!大家亦要留意回程去上川或旭川的巴士班次時間表,因為真係幾疏。
道北巴士,包括去上川、旭川的時間表大家可以參考官網:
http://www.dohokubus.com/
這篇文章旅遊日期:2016 年 10 月 12 日
離開之後又要坐番 3 個小時番札幌,我地 Lunch 特登唔食太多,因為當晚我們預備了去「蝦蟹合戰」食蟹放題!
下一篇
https://www.runhotel.hk/ebikani-Day2-dinner
北海道遊記目錄
- 北海道遊記前傳 – 用 Asia Miles 換北海道機票
- 北海道遊記 Day 1 – 札幌 –> 十字酒店 Cross Hotel –> 必食達摩成吉思汗燒肉
- 層雲峽紅葉谷賞紅葉、賞楓記 | 北海道遊記 Day 2
北海道酒店 / 住宿推介