【帝苑酒店 J’s Bar Bistro 全新歐陸週日早午餐】酒店 eShop 85 折優惠，成人每位 HK$654，包冰鎮海鮮、芝士火鍋、主菜等，西班牙 5 J 黑毛豬風乾火腿、沙律甜品任食！
周末放假想食返餐好嘅，位於尖沙咀嘅帝苑酒店 最近就推出全新歐陸週日早午餐，於酒店 eShop 預訂可享 85 折優惠，成人折後每位 HK$654、 3 – 11 歲小童折後每位 HK$407。呢個早午半自助餐於酒店嘅法式小餐館 J’s Bar Bistro 享用，只適用星期日，可以由 11:30 至 14:30 食足 3 小時，食物選擇相當豐富，仲好有特色添！一於睇睇有咩食啦(詳細餐牌可按此)！
▼全新歐陸週日早午餐（頭盤、沙律、甜品任食，然後每位包一客凍海鮮盤、主菜）
供應時間：11:30 至 14:20
預訂網址：
http://bit.ly/3tedpHD
（購買餐飲禮劵後需再致電餐廳訂座）
一嚟到酒店就會先供應一盤冰鎮海鮮（每位可享一客），海鮮方面有緬因州龍蝦尾、鱈場蟹腳、蝦、青口及海蜆，半邊緬因州龍蝦尾肉質非常嫩滑彈牙，啖啖肉勁滿足！
▼冰鎮海鮮 （每位一客，下圖為一人份量）
▼半邊緬因州龍蝦尾
另一個賣點係每人提供一份特製芝士火鍋配雜錦歐洲凍肉、手切西班牙伊比利亞 24 個月 5 J黑毛豬風乾火腿，仲可以無限添加添！凍肉本身已經鹹香味十足，加上濃郁嘅芝士火鍋，每一啖都回味無窮！
▼芝士火鍋配雜錦歐洲凍肉、手切西班牙伊比利亞 24 個月 5J 黑毛豬風乾火腿
▼ 5J 黑毛豬風乾火腿味道鹹香
食完芝士火鍋已經係半飽狀態，客人仲可以挑選一個主菜，選擇有美國西泠扒伴薯蓉配燒汁、經典煙肉水煮蛋牛油蛋黃醬、焗法國春雞半隻伴黑松露醬或松露醬野菌燴意大利粉，小編選擇了美國西泠扒伴薯蓉配燒汁，西泠扒厚切肉味濃郁，食完非常飽肚！
▼美國西泠扒伴薯蓉配燒汁
「歐陸週日早午餐」嘅頭盤同沙律係任食，仲有好多甜品係任食：香蕉千層餅、焗芝士撻、麵包牛油布甸、雜果拿破崙同蝴蝶酥等等，仲可以任食 Haagen-Daz 添！
▼自助沙律吧
▼意大利水牛芝士伴五色番茄意大利水牛芝士伴五色番茄 
▼慢煮鴨肉配多士
▼法國芝士
▼甜品任食，有帝苑必食的拿破崙同蝴蝶酥！
尖沙咀帝苑酒店 J’s Bar Bistro
地址：九龍尖沙咀東部麽地道 69 號 2 樓
▼ 預訂網址▼
http://bit.ly/3tedpHD
（購買餐飲禮劵後需再致電餐廳訂座）
