【張家界納佰利凱悅悠選酒店】距離索溪峪、天子山以及武陵源購物中心只需 5 分鐘車程，張家界最新最大的一間五星酒店

香港高鐵開通直達張家界啦！張家界納佰利凱悅悠選酒店係目前張家界最新最大的一間五星酒店，房價都係 6 百幾蚊，所以想搵乾淨酒店就強烈建議大家訂這一間。酒店位於世界自然遺產地——張家界武陵源風景名勝區嘅核心地帶，酒店佔地面積約 9.5 萬平方米，係一間豪華商務會議同旅遊休閒度假酒店。距離索溪峪同天子山自然保護區以及武陵源購物中心，只需要 5 分鐘車程，我地去既時侯，房價大約 6 百幾蚊一晚。酒店隸屬於永太和控股集團香港有限公司旗下嘅納百利旅遊文化集團，酒店建築巧妙融合咗現代時尚元素同土家族、苗族等湖南境內少數民族嘅建築特色。

今次張家界行程 4 日 3 日，其中兩晚就住到張家界納佰利凱悅悠選酒店，酒店好大好靚 ，張家界納百利度假酒店應該係武陵源附近條件最好嘅酒店之一，行大約十分鐘就可以到武陵源景區嘅標識門。房間又大又乾淨，無煙味，而且超新淨，仲有落地玻璃窗，景色一流，沖涼花灑水力夠猛。今次入住仲包埋酒店嘅自助早餐，一開始仲怕唔啱食，點知種類超多，好多都符合香港人口味！唯一可惜嘅係，今次行程太趕，唔夠時間行曬成間酒店。如果下次你哋嚟住張家界納百利度假酒店，可以花半日留係酒店影下相！

提提大家返酒店煲水，唔好用生水煲，用返支裝水去煲，張家界嘅水屬於硬水，而香港嘅水係屬於軟水，唔習慣嘅人好容易會因為咁水土不服，硬水意思係礦物質含量會比較高。

▼酒店預訂網址▼
https://hk.trip.com/hotels/zhangjiajie-hotel-detail-6747875/crowne-plaza-zhangjiajie-wulingyuan/

▼張家界納百利度假酒店

▼高級大床房

▼自助早餐餐廳

▼唔洗擔心啲早餐唔啱胃口，亦都有清淡嘅粥粉麵飯同麵包

▼泳池

▼健身室

▼如果你去張家界，住喺武陵源，想行夜市，「溪布街」係唔錯嘅選擇，喺張家界納佰利凱悅悠選酒店搭的士過去只需 5 分鐘，車費大概人民幣 6 至 7 元。( 多啲溪布街夜市既相，可以睇番遊記：張家界自由行（DAY 1）

▼酒店預訂網址▼
https://hk.trip.com/hotels/zhangjiajie-hotel-detail-6747875/crowne-plaza-zhangjiajie-wulingyuan/

張家界行程遊記可以睇埋其它文章：

張家界自由行（DAY 1）｜香港高鐵直達張家界交通，第一日去張家界七十二奇樓景區、溪布街夜市