【鳳凰古城自由行高鐵攻略】由香港出發只需 5 個半鐘,附景點 / 開放時間 / 門票價錢 / 附近酒店推介
![【鳳凰古城自由行高鐵攻略】由香港出發只需 5 個半鐘,附景點 / 開放時間 / 門票價錢 / 附近酒店推介](https://www.runhotel.hk/bayarea/wp-content/uploads/2024/08/鳳凰古城.jpg)
鳳凰古城,位於湖南省湘西土家族苗族自治州嘅沱江畔,係一座保存完好嘅古城,被譽為「中國最美嘅小城」。鳳凰古城以其獨特嘅建築風格、豐富嘅文化底蘊同迷人嘅風景而聞名。
文章目錄
鳳凰古城交通安排
2024 年 6 月 15 日起,西九龍香港高鐵有直達張家界嘅高鐵路線啦!而且仲途經鳳凰古城站,由香港西九龍高鐵站去鳳凰古城站,二等座票價係 741 元,一等座係 1,185 元,商務座係 2,290 元。全程需時 5 小時 28 分鐘,早上 8 點 30 分出發,中午 13 點 58 分到達,暫時一日得一班高鐵由香港出發去張家界。(購買網址按此)在高鐵鳳凰古城站下車後,可以轉乘接駁車、磁浮列車或的士,即可到達鳳凰古城,係鳳凰古城搭的士,去邊都大概係 10 幾蚊內人民幣。
▼鳳凰古城高鐵站 – 鳳凰古城站位於歷史悠久的鳳凰古城附近,有磁浮觀光快綫連接鳳凰古城入口,方便遊覽吊腳樓、鳳凰虹橋等特色建築。
鳳凰古城開放時間
開放時間:全天。
鳳凰古城門票
免費
鳳凰古城介紹
鳳凰古城位於湖南省西南部,以其保存完好的明清建築、獨特嘅苗族和土家族文化而聞名,好多第一次去嘅遊客都會俾呢個古城嘅濃厚文化氣息同埋獨特嘅風貌吸引住。鳳凰古城最特別地方之一,就是有分日景和夜景,日頭同夜晚嘅感覺真係完全唔同,白天嘅古城比較寧靜,適合慢慢行、影相同埋參觀歷史建築。去到夜晚,整個古城就會變得活力四射,尤其係沱江邊,有酒吧、特色小店仲有啲街頭表演,成個古城被五顏六色嘅燈光包圍住,氣氛好熱鬧。
日景
黎過一次之後,發覺半日絕對係唔夠時間行曬全部舖頭,真係超級好買好行!
▼除咗買嘢,行入古城嘅時候,仲可以欣賞到古城嘅建築風貌,同埋感受當地嘅歷史文化氣息。
▼手信舖頭更加係多到數唔晒,精品、手工藝品、紀念品應有盡有,真係好吸引。
▼係鳳凰古城特有嘅翠茶奶茶舖,真係唔可以錯過。呢間奶茶舖一直都係遊客同當地人嘅熱點
▼呢度嘅食店真係琳琅滿目,有地道嘅湘西小吃、特色菜肴,同埋各式各樣嘅甜品小吃,睇到都流晒口水。
▼呢間紮染強烈推介大家一定要去買!
夜景
鳳凰古城近鄰沱江兩側建造,嚟到呢度仲可以體驗沱江遊船,搭上木製小舟,欣賞兩旁嘅柳樹同吊腳屋。
▼大家去鳳凰古城,可以試下租借苗族嘅民族服飾拍攝
鳳凰古城附近還有什麼景點? (行程方面)
除咗去鳳凰古城,鳳凰磁浮觀光快線都係其中一個必去景點,不過都係得遊客先會搭,車飛係 28 蚊人民幣單程,但係鳳凰古城搭的士去邊都係 10 幾蚊內,磁浮揽勝站係睇古城最好嘅景點,車站設有觀景平台,可以將鳳凰古城同沱江景觀盡收眼底。出站後,可以乘坐接駁車或者步行前往古城景區,接駁車會去到南華門,呢度係鳳凰古城重要嘅打卡景點,可以欣賞古城內嘅建築同風景。
鳳凰磁浮觀光快線
鳳凰磁浮觀光快線係湖南省湘西土家族苗族自治州鳳凰縣嘅一條磁浮鐵路,連接張吉懷高鐵鳳凰古城站同埋民俗園,喺 2022 年 7 月 30 日正式開業。
▼鳳凰磁浮觀光快線首次採用 U 型樑,可以降低建築物高度。沿住條線行,可以觀賞到鳳凰嘅美景。喺鳳凰攬勝站同鳳凰等待站嘅區間內,設有「鳳求凰」時空隧道。
▼乘坐磁浮列車時,可以俯瞰沱江和古城嘅絕美夜景,感受呢座千年古城嘅人間煙火。
鳳凰古城附近酒店推介
鳳凰棲溪庭院民宿(沈從文故居店)
民宿位於古城西門入口內,南門坨 33 號,共有 12 間房,鄰近沈從文故居。周邊步行 10 分鐘有停車場、餐飲一條街、夜宵一條街、酒吧一條街同南華里商業街,生活配套非常便利。入住秋系雅緻大床房一晚大約 HK$371 (已連服務費)。
預訂網址:
https://hk.trip.com/hotels/fenghuang-hotel-detail-2099702/fenghuang-yaju-hostel/?allianceid=282251&sid=730504&OUID=zhangjiajie
鳳鳴天下酒店
鳳凰鳳鳴天下國際酒店座落於有「中國最美麗的小城」之稱嘅湘西鳳凰古城邊,位於鳳凰縣繁華嘅商務區「九裡邊城」嘅商圈中心,緊鄰鳳凰古城遊客中心同鳳凰汽車客運總站。因為鳳凰古城係個小城鎮,唔好預算酒店會好靚,勝在地點夠方便,係鳳凰古城搭的士返嚟只需 10 蚊人民幣。入住特惠大床房一晚大約 HK$316 (已連服務費)。
鳳凰古城遊記體驗
鳳凰古城真係一個值得慢慢探索嘅地方。除咗有好多特色小店,仲有唔少地道美食。行到攰嘅時候,可以隨時搵間特色Café或者小食舖歇一歇,品嚐當地美食。呢度亦有好多手工藝品店,當地人手工製作嘅紀念品係帶手信嘅好選擇。建議大家預留一日時間嚟遊覽,從早行到晚,慢慢享受呢度嘅古色古香。早上可以漫步沱江邊,感受晨曦嘅寧靜,入夜後欣賞夜景,體驗唔同時段嘅古城風情。唯一嘅缺點就係叫唔到網約車,只可以喺街邊截的士或者搭公交車。不過,安排一日一夜時間遊覽已經足夠啦!
其它張家界你有興趣的文章
第一日遊記:張家界自由行(DAY 1)|香港高鐵直達張家界交通,第一日去張家界七十二奇樓景區、溪布街夜市
第二日遊記:張家界之旅(DAY 2)| 世界自然遺產 5A 級嘅張家界國家森林公園,袁家界風景區、天子山風景區、必睇嘅大型歌舞演出《千古情》
第三日遊記:張家界之旅(DAY 3)|天門山國家森林公園、「小江南」芙蓉鎮、鳳凰古城夜景
第四日遊記:張家界之旅(DAY 4)|鳳凰磁浮觀光快線、鳳凰古城買手信、鳳凰古城高鐵站
張家界酒店推介
【張家界納佰利凱悅悠選酒店】距離索溪峪、天子山以及武陵源購物中心只需 5 分鐘車程,張家界最新最大的一間五星酒店