有冇聽過將架真飛機搬入酒店園區嘅航空主題酒店呢？屋企有細路鐘意飛機嘅話，想體驗 1:1 真實還原嘅飛機駕駛艙，一定要留意今年先至開幕嘅全新廣州美華航空酒店啦！呢間係廣州甚至華南第一間大型航空主題酒店，就喺花都融創附近。如果打算週末帶細路去融創滑雪仲未訂酒店嘅朋友，不妨睇下呢間航空主題酒店啦。除咗滑雪之外仲可以了解航空航天知識，喺酒店入面就可以「揸飛機、坐火箭」，住得又玩得，一舉多得。官方價錢由 HK$465 一晚起，酒店設有健身房、KTV、棋牌室、按摩室、桑拿室、兒童游樂場等配套齊全的娛樂設施。

美華航空主題酒店喺廣州市花都區嘅航空科技園區入面，東面近廣州白雲國際機場，北面挨住融創文旅城，西面連住花都兒童公園，去邊度都好方便。半個鐘車程就到白雲國際機場，10 分鐘車程就到融創樂園同融創茂商圈，行路就可以去到花都兒童公園，簡直係一家大細出遊嘅天堂啦，想點玩就點玩。

Klook預訂網址：
https://www.klook.com/zh-HK/activity/127055-near-sunac-scenic-spot-guangdong-meihua-air-theme-hotel-accommodation-package/?aid=16&aff_ext=meihua-aviation-theme-hotel
Trip預訂網址：
https://hk.trip.com/hotels/guangzhou-hotel-detail-116942271/meihua-aviation-theme-hotel/?allianceid=282251&sid=730504&OUID=meihua-aviation-theme-hotel

酒店介紹

圖片來源：美華航空主題酒店Trip官方圖片

呢間酒店嘅裝修以航空做主題，周圍都係科技、未來、航空、光呢啲設計元素。酒店門口就有一架飛機可以打卡，室內就好似未來世界咁充滿科技感同未來感。酒店總共面積大約 100,000 平方米，有 298 間客房，每間房都有高級寢具、智能房間控制系統等等。酒店喺 2024 年先至開業，所以設施又新淨又舒服。

圖片來源：美華航空主題酒店Trip官方圖片

酒店仲設有瑜伽房、健身房、水療室、茶室、自助餐和中餐廳等公共設施。健身房空間寬敞，健身器材多元，方便旅客維持運動習慣。酒店餐廳設有超過 200 個座位和 20 間豪華包廂，環境優雅舒適，提供從當地特色粵菜到無國界佳餚等多元菜式，滿足不同口味需求。

圖片來源：美華航空主題酒店Trip官方圖片

呢間酒店嘅親子設施真係好齊全，有唔同風格嘅航空主題親子套房，又新又舒服。其中最受歡迎嘅就係頭等艙親子房，房裡面有滑梯畀小朋友玩餐飽，仲有好多貼心嘅設施，例如航空主題嘅故事書、小朋友專用嘅沖涼套裝、洗手盆旁邊嘅兒童樓梯等等。每個細節都好有心思，就連小朋友嘅拖鞋、紙巾盒、蚊怕水都係飛機造型，充滿童趣，難怪咁受住客歡迎啦！

圖片來源：美華航空主題酒店Trip官方圖片

除咗房裡面嘅設施，酒店仲有個 120 平方米大嘅室內兒童遊樂場，都係以航空做主題，有波波池、旋轉滑梯等等，小朋友唔使出街都可以盡情放電玩餐飽。

圖片來源：美華航空主題酒店Trip官方圖片

住喺美華航空主題酒店，最值得打卡嘅就係佢哋嘅航空航天親子研學活動。呢間酒店係屬於薛航集團嘅，佢哋本身就係做航空生意嘅，再加上酒店又喺航空科技園區裡面，所以除咗有機會見到真正嘅飛機師之外，佢哋嘅航空研學知識都比較專業。喺園區裡面就可以體驗「揸飛機、坐火箭、登月球、做空姐空少」等等好多唔同嘅活動，真係好正㗎！如果想培養小朋友對航天航空嘅興趣，呢度就啱晒啦！

酒店二樓就係美華航空航天科普基地，都係花都區科普技術普及基地之一，成 8,000 平方米咁大，裡面有雲端探祕館、星空探祕館、展翅高飛館，仲有海陸空天一體化國防體系展示館呀！除咗有好多按返真實比例縮小嘅天體軌道、航天航空飛行器模型之外，仲可以體驗天宮一號 VR 模擬升艙，等小朋友可以一邊玩一邊學科學知識，近距離感受下航空航天嘅魅力。

圖片來源：美華航空主題酒店Trip官方圖片

圖片來源：小紅書賬號@美華航空航天科普基地

唔單止咁，園區仲有成 5 部民航飛行員訓練用嘅全動模擬機添！機型就分別係波音 737、波音 777 同埋空中巴士 A320，都係成日見到嘅客機嚟嘅。研學活動會由專業嘅航空教員帶領，無論你係普通遊客定係航空迷，都可以登上 1:1 還原嘅模擬駕駛艙「揸飛機」，體驗下做機長嘅感覺，感受下飛上天空嘅快感！

圖片來源：美華航空主題酒店Trip官方圖片

小朋友仲可以著住機長衫入駕駛艙體驗添！會有工作人員喺隔離好有耐性咁樣解釋晒所有按鈕嘅用途、飛行原理等等。體驗完之後，仲會頒發證書畀小朋友打卡留念添！

圖片來源：小紅書用戶@陳皮皮蝦

圖片來源：小紅書用戶@Vi小咖

除咗模擬飛行，園區仲有個大型嘅客艙培訓中心，配備咗 14 部波音 737 同空中巴士 A320 系列嘅頂級 E 級客艙訓練設備。平時除咗畀青少年、小朋友同其他公眾體驗下做空姐空少，了解下航空知識之外，呢度都係專業空乘人員實習同培訓嘅場地嚟㗎！可以想像到呢個航空園區真係好專業！

小朋友一入到客艙，就好似真係上咗飛機咁，仲可以親身體驗下飛行途中遇到緊急情況要點樣應對，學習下唔同嘅客艙設備、空姐空少服務同埋急救知識添！

圖片來源：小紅書賬號@美華航空航天科普基地

親子研學需要另外收費，記得提前咨詢。

預訂方法

Klook預訂網址：
https://www.klook.com/zh-HK/activity/127055-near-sunac-scenic-spot-guangdong-meihua-air-theme-hotel-accommodation-package/?aid=16&aff_ext=meihua-aviation-theme-hotel
Trip預訂網址：
https://hk.trip.com/hotels/guangzhou-hotel-detail-116942271/meihua-aviation-theme-hotel/?allianceid=282251&sid=730504&OUID=meihua-aviation-theme-hotel

注意事項

• 每日 14:00 之後入住，次日 12:00 之前退房
• 入住時需交押金，費用為每房 CNY 1,000.00≈ HK$1,095.70（以酒店為準），退房時如無物品損壞或其它消費，押金將如數退還
• 每個房間最多 2 名成人入住，加牀需收費， 3 歲及以下兒童可提供免費加嬰兒牀
• 為保證其他旅客的安全和良好的睡眠品質，請不要攜帶寵物入住
• 酒店距融創 1.5km，從融創打車約 10min，酒店至融創樂園亦有免費往返班車提供（班次固定）；酒店還有免費機場接機、車站接車服務提供，需提前咨詢

周邊景點及商圈飲食

卡洛卡太空森林親子樂園 1.3km
廣州融創樂園 1.5km
廣州融創文旅城 1.8km
融創廣州大劇院 1.9km
廣州熱雪奇蹟 1.9km
有米知粥（花都總店） 1.3km
花城山地雞 1.3km
百利鴿王名閣藥膳乳鴿專門店(花都店) 1.7km
大榕樹下（融創茂店） 1.8km

地址及交通

廣州美華航空主題酒店
地址：廣州市花都區花山鎮絞燎莊西街1號
交通：
高鐵：如果想快啲去到，最方便就係搭高鐵啦！由香港西九龍高鐵站出發，去到廣州東站或者南站之後，轉搭高鐵去廣州北站，最後喺廣州北站轉的士去廣州美華航空主題酒店，全程大概兩個鐘左右就到喇。
預訂網址：https://www.klook.com/zh-HK/rails-33/364901-hong-kong/?aid=16&aff_ext=meihua-aviation-theme-hotel
直通巴士：除咗高鐵，亦可選擇乘坐直通巴士前往廣州。中旅社和永東皆有班次前往花都融創茂商場。香港各區設有多個上車點，包括北角、銅鑼灣、觀塘、屯門、尖沙咀、旺角、元朗、葵芳、將軍澳等，詳情可向直通巴士公司查詢。車程視乎上車地點而定，約 3.5 小時，去到廣州花都再轉 10 分鐘的士到廣州美華航空主題酒店。
預訂網址：https://www.klook.com/zh-HK/activity/92076-sunac-park-guangzhou-hk-chinalink-bus/?aid=16&aff_ext=meihua-aviation-theme-hotel
深圳包車：想坐得舒服啲又唔洗 fix 死時間，仲可以由深圳包車去廣州花都，6 人車大概 $650 人民幣，多人啲都仲可以 book 11 人車價錢 $900、 15 至 19 人車價錢 $1300、 20 至 23 人車 $1500。一行 6 人出發價錢仲平過搭高鐵呀！
WhatsApp Book 車電話：https://api.whatsapp.com/send/?phone=85297876415