張家界之旅（DAY 3）｜天門山國家森林公園、「小江南」芙蓉鎮、鳳凰古城夜景
第三日喺張家界，我哋遇着落雨同埋大霧，上到山乜都睇唔到。導遊話，由 3 月至 8 月，山上有 80% 嘅機會會落雨同有大霧，所以能唔能夠睇到靚景全靠運氣。雖然天氣唔理想，但我哋依然去咗天門山國家森林公園、「小江南」芙蓉鎮，仲有鳳凰古城夜景。芙蓉鎮有二千年歷史，建喺山崖之上，河流穿鎮而過，形成壯觀瀑布奇景。鎮內保留咗古老嘅土家族吊腳樓同傳統青石板路，民風古樸。晚黑，鳳凰古城夜景非常迷人，霓虹燈光映照古老建築，仲有苗族民族服飾拍攝，展示咗獨特嘅文化魅力。雖然天氣唔好，但呢啲景點嘅人文同自然美景，令我哋覺得不枉此行。
文章目錄
第三日的行程安排
第三日我哋去咗天門山國家森林公園、「小江南」芙蓉鎮、同埋睇鳳凰古城夜景，仲有苗族民族服飾拍攝。建議大家上山一定要帶備雨衣呀！
第一日遊記可參考：張家界自由行（DAY 1）｜香港高鐵直達張家界交通，第一日去張家界七十二奇樓景區、溪布街夜市
第二日遊記可參考：張家界之旅（DAY 2）｜ 世界自然遺產 5A 級嘅張家界國家森林公園，袁家界風景區、天子山風景區、必睇嘅大型歌舞演出《千古情》
早上 7:00
享用早餐。今日我哋要換酒店，離開張家界納佰利凱悅悠選酒店 ，所以需要早啲起身。
早上9:00
坐旅遊巴出發。大家喺酒店大堂集合，準備出發前往今日嘅景區，車程大概10分鐘左右。
早上9:10
天門山國家森林公園
- 挑戰空中之路《天門山玻璃棧道》
- 999級天梯（有扶手電梯上）
- 天然仙界瀑布《天門洞》
- 觀天下第一公路奇觀《99道彎通天大道》
中午12:30
離開景區，前往午餐。
中午12:45
醉湘庭午餐：《原味野生菌宴》
下午14:00
前往景區，車程約 2 小時。
下午16:00
「小江南」芙蓉鎮
- 芙蓉鎮大瀑布
- 土王橋
- 溪州銅柱
- 石板街
下午17:30
離開景區，前往晚餐，車程約 1.5 小時。
晚上19:00
鳳鳴天下酒店晚餐：《苗家特色宴》
晚上20:50
辦理入住酒店後，喺酒店大堂集合，前往中國最浪漫的古城 – 鳳凰古城（包含往返環保車）。
欣賞沱江兩岸燈火夜色。
苗族民族服飾拍攝，品味獨特的苗族風情。
晚間
住宿：鳳鳴天下酒店 (Trip.com 預訂網址)
天門山國家森林公園
天門山距離張家界市區只係 8 公里，因為有個自然奇觀「天門洞」而得名。天門洞係一個天然穿山溶洞，門高 100 幾米，寬同深都大約 60 米。當地人相信，呢度可以直達天庭。天門洞唔係全年開放，冬天因為落雪同結冰會關閉。
遊客上天門山一定要坐觀光纜車，纜車全長約 7,500 米，高差約 1,300 米，係世界上最長嘅高山客運纜車，全程大約 30 分鐘。纜車有個「中站」，遊客可以喺呢度轉乘景區環保車去天門洞。天門山景區內森林覆蓋率達 90% ，古樹參天，籐蔓纏繞，主要分為天門洞、中線、東線同西線幾個區域。
中線嘅核心景點係天門山寺，寺附近有「求兒洞」，傳說送子觀音喺呢度顯聖。西線亮點係玻璃棧道，建喺懸崖峭壁上，用透明玻璃建成，行喺上面可以俯瞰深谷。東線主要係原始森林。
天門山門票+索道+棧道每位只需 HK$299，包 1 張天門山門票、索道（上下）、棧道票（鬼谷棧道，玻璃棧道）。
購買網址：
https://www.klook.com/zh-HK/activity/6613-tianmen-mountain-cable-car-gallery-road-zhangjiajie/?aid=16&aff_ext=zhangjiajie
上天門山通常有三條線路揀：
- 遊覽路線A線：
喺市區嘅索道下站搭纜車上山頂 → 遊覽山頂 → 搭自動扶梯落天門洞 → 爬 999 階梯落天門洞或者搭扶梯落去 → 遊完天門洞之後搭快線落山去山門 → 搭景區擺渡車返索道下站 - 遊覽路線B線：
喺市區嘅索道下站搭景區擺渡車去天門山山門檢票口 → 搭快線纜車去天門洞上山頂 → 遊完天門洞之後搭自動扶梯上山頂（或者爬 999 階梯上山 → 搭扶梯上去遊山頂 → 搭纜車落山返索道下站） - 遊覽路線C線：
喺市區嘅索道下站搭景區擺渡車去天門山山門檢票口 → 搭快線纜車去天門洞上山頂 → 遊完天門洞之後搭自動扶梯上山頂（或者爬 99 9階梯上山 → 搭扶梯上去遊山頂 → 遊完山頂之後返去快線纜車 → 搭景區擺渡車返索道下站（呢條線路唔搭7455米嘅長纜車，通常喺大旺季嘅時候先開放）
▼上天門山通常有三條線路揀，咁我哋今次就係行 A 線。首先，我哋喺天門山索道下站搭纜車上山。雖然纜車一路上升，但因為當日大霧，周圍乜都睇唔到，只係見到一片白茫茫。搭纜車上山嗰陣，好似去緊仙境咁，坐喺霧裡面嘅感覺真係好特別。
▼天門山盤山公路係位於張家界天門山嘅一條公路，有「通天大道」之稱。呢條盤山公路全長 10.77 公里，海拔由 200 米急升至 1,300 米，大道兩側係陡峭嘅懸崖，谷底深不見底，共有 99 個彎，180 度急彎此起彼落。
▼到咗山頂後，我哋開始行環線景點，呢度包括咗西線同東線嘅景點。雖然沿途應該係風景如畫，但因為大霧，視野非常有限，基本上睇唔到乜嘢景色。
▼盤龍崖玻璃棧道全長 60 米、寬1.6米，因為企喺玻璃棧道上可以俯瞰天門山99道彎盤山公路而得名。呢條棧道因為絕壁凌空嘅壯觀氣勢，深受遊客歡迎，環繞喺山頂，就好似一個驚險嘅光環。玻璃棧道懸掛喺山頂西線，最高處海拔 1430 米，係張家界天門山景區繼懸喺峭壁之上的鬼谷棧道、憑空伸出嘅玻璃眺望台之後，又一個驚險景點。天門山玻璃棧道嘅玻璃台伸出棧道有 4 到 5 米，專供遊人拍照，係繼橫跨峽谷嘅木質吊橋後打造嘅又一試膽之作，喺玻璃台可以睇到下面嘅景色。
▼行行下，以為係傳聲筒，點知係垃圾桶嚟
▼然後，我哋搭乘穿山扶梯，順利到達天門 999 級階梯嘅樓梯口。
▼天門洞係天門山最具代表意義嘅景點，位於天門山山體嘅中上部，海拔1300米，門高131.5米，寬57米，深60米，係世界上最高海拔嘅天然穿山溶洞。但由於當日大霧關係，我哋乜都睇唔到。
▼由於天雨關係，行落去會比較危險，所以我哋只係喺樓梯口打咗個卡，冇行到落去。
▼打完卡之後，我哋就嚟到天門洞廣場，依然係被濃霧包圍住，壯觀景色無法盡收眼底。緊接住，我哋搭乘天門洞快線索道，雖然感覺好似飛過咗整個天門洞，但因為大霧，視野受限，無法完全體驗到呢段旅程嘅壯觀。
▼天門狐仙係目前世界第一台有完整故事情節嘅山水實景音樂歌舞劇。舞台選址喺天門山風景區山門口內至天門山頂嘅整條峽谷，一期總投資達到 1.2 億元，演員隊伍有 500 多人。主舞台以 10,000 平方米嘅玻璃鋼打造，係目前世界上最大嘅全景玻璃鋼舞台。門票每張 HK$191起。
購買網址：
https://www.klook.com/zh-CN/activity/9832-zhangjiajie-tianmen-fox-fairy-show-zhangjiajie/?aid=16&aff_ext=zhangjiajie
▼最後，我哋係景區山門出景區，搭乘免費嘅擺渡車，輕鬆返回天門山索道下站。雖然今日大霧，加上天雨，乜都睇唔到同埋冇行到天門999級階梯，但呢次旅程嘅經歷都係難忘嘅。
點知返到酒店，睇返啲相片，發現雖然當時乜都睇唔到，但喺濃霧中行走嘅感覺都幾特別，彷彿置身於仙境之中。即使冇睇到預期中嘅壯麗景色，但呢次經歷都係一種難得嘅體會。希望下次有機會再嚟張家界，睇吓佢嘅真面目。
午餐
▼醉湘庭午餐：《原味野生菌宴》，今餐食得好廣東菜
「小江南」芙蓉鎮
芙蓉鎮位於湖南湘西永順縣，係湘西四大名鎮之一，有「小江南」之稱。呢個古鎮有超過 2,000 年歷史，依山而建，三面環水。鎮中酉水河經過懸崖時形成高達 60 米嘅兩階瀑布，吊腳樓好似「掛喺瀑布上」，非常特別。當地居民大多數係土家族，古老嘅青石板路同土家族吊腳樓，保留住原始風貌。芙蓉鎮原名王村， 1,986 年因為電影《芙蓉鎮》喺呢度取景而改名，並開始發展旅遊業。鎮上嘅建築、瀑布同樹木喺夜晚燈光照射下顯得特別靚。芙蓉鎮門票成人票每張 HK$110。
▼去芙蓉鎮車程需要 2 個鐘頭，大家出發前記得去咗廁所先，期間係無休息站停㗎！
▼先會經過民居，導遊提我哋千祈唔好幫襯民居嘅小店，小心比人湯到一頸血。
▼有在地嘅導遊為我地講解芙蓉鎮的歷史
▼沿路見到好多遊客都係度租借苗族民族服飾拍攝
▼雖然芙蓉鎮歷史悠久，但呢個名字其實係上世紀先出現嘅。芙蓉鎮原本叫做王村，古代仲叫過酉陽同溪州。
▼古鎮依山而建，三面環水，風景秀麗，酉水河由鎮中穿過，經過懸崖時形成高達60米嘅兩階瀑布，建喺山崖上嘅土家族吊腳樓，一層層咁排開，好似「掛喺瀑布上」一樣，呢種奇景吸引咗無數遊客嚟參觀。
▼我地好多團友都買咗辣椒醬，人民幣 28 蚊一樽
▼以後搭返船過河上返旅遊巴
鳳凰古城
我哋去到鳳凰古城，夜景真係好靚，霓虹燈光映照喺古老嘅建築上，顯得特別有味道。仲有苗族嘅民族服飾拍攝，多彩嘅服裝同配飾，展示咗苗族文化嘅獨特魅力。
▼鳳凰古城近鄰沱江兩側建造，嚟到呢度仲可以體驗沱江遊船，搭上木製小舟，欣賞兩旁嘅柳樹同吊腳屋。
▼大家去鳳凰古城，可以試下租借苗族嘅民族服飾拍攝
鳳鳴天下酒店
鳳凰鳳鳴天下國際酒店座落於有「中國最美麗的小城」之稱嘅湘西鳳凰古城邊，位於鳳凰縣繁華嘅商務區「九裡邊城」嘅商圈中心，緊鄰鳳凰古城遊客中心同鳳凰汽車客運總站。因為鳳凰古城係個小城鎮，唔好預算酒店會好靚，勝在地點夠方便，係鳳凰古城搭的士返嚟只需 10 蚊人民幣。入住特惠大床房一晚大約 HK$316 （已連服務費）。
購買網址：https://hk.trip.com/hotels/fenghuang-hotel-detail-73235708/phoenix-phoenix-ming-world-international-hotel/?allianceid=282251&sid=730504&OUID=zhangjiajie
Day 3 喺張家界嘅旅程真係難忘。雖然今日天氣唔好，下咗成日雨，但呢個地方嘅美景依然冇令我哋失望。雨霧中嘅天門山有種特別嘅靈氣，玻璃棧道上行過去，彷彿踏入咗仙境一樣。行完一日，雖然畀雨淋到成身濕，但大家都話呢個經驗係難以忘懷嘅。結束一日行程都已經係夜晚一兩點啦！
張家界之旅相關文章 其它張家界你有興趣的文章 第一日遊記：張家界自由行（DAY 1）｜香港高鐵直達張家界交通，第一日去張家界七十二奇樓景區、溪布街夜市 張家界酒店推介
第二日遊記：張家界之旅（DAY 2）｜ 世界自然遺產 5A 級嘅張家界國家森林公園，袁家界風景區、天子山風景區、必睇嘅大型歌舞演出《千古情》
第三日遊記：張家界之旅（DAY 3）｜天門山國家森林公園、「小江南」芙蓉鎮、鳳凰古城夜景
第四日遊記：張家界之旅（DAY 4）｜鳳凰磁浮觀光快線、鳳凰古城買手信、鳳凰古城高鐵站
