斯米蘭群島 Similan Island 浮潛一日遊 – 準備篇
上年我地去布吉,已經去過皇帝島和珊瑚島(關於皇帝島遊記按此),今次再去布吉,就決定一定要去斯米蘭群島(Similan Island)。點解我地咁期待去斯米蘭群島浮潛呢?因為斯米蘭群島係泰國一個非常保護既島黎,水質非常清澈,斯米蘭群島並唔係個個月都可以去架,每年大約由 11月至次年 4月先開放讓遊客去,而且島上不準穿鞋,所以水質和環境都保護得好靚。 斯米蘭群島曾被英國《衛報》選為世界十大潛水點之一,好多人都話水質非常之清,好容易可以見到好多魚,雖然我地唔係去潛水,但去浮潛我地都想去體驗下。(網絡圖片) 如果好彩,有人話連浮潛都可以見到海龜,不過我當日就見唔到。(網絡圖片) 準備 其實斯米蘭群島有 9 個島,並不只是一個島,所以我地參加一日遊,都可以去幾個島參觀。不過因為斯米蘭群島離布吉都幾遠下,坐快艇由碼頭去都要約 1.5 小時。 地理位置 斯米蘭群島在布吉的左上方位置,會由 Tab Lamu Pier 碼頭出發,坐快艇由 Tab Lamu Pier 碼頭去程最少要約 1.5 至 2 小時,位置請參考下圖: Google Map: https://www.google.com.hk/ 時間 剛才講過,由碼頭去斯米蘭群島船程最少 1.5 小時,但未計您由酒店坐車去碼頭既時間,所以去斯米蘭群島選酒店住宿既位置是好重要,因為如果您住芭東,由芭東去碼頭已經要接近 2 小時,而且因為住得遠,一日遊當日亦要非常之早起身等車接載,所以切記不要住芭東區,否則一定勁辛苦。 布吉住宿推介 去斯米蘭群島,酒店位置最好在布吉島的北邊,即是在邁考海灘(Mai Khao Beach) 或奈揚海灘(Nai Yang) 等附近位置,因為您訂了團後,酒店會有免費車來接您去碼頭,但這架車是由芭東地區出發,如果住芭東,可能早上 6 點就要出發了,但住邁考海灘既地區,等到架車來都要一小時,您就可以多一小時休息,同樣回程亦可以早些回到酒店。 順帶一提,出島當日記得不要轉酒店,否則只會辛苦您自己。推介幾間方便既酒店給大家: 近邁考海灘 Holiday Inn Resort Phuket Mai Khao Beach http://www.agoda.com/zh-hk/holiday-inn-resort-phuket-mai-khao-beach/hotel/phuket-th.html Centara Grand
( 閱讀更多 )