一家大細去旅行，透過網上訂酒店，好多人都攪不清楚幾多歲的小朋友要當大人計算，幾多歲以下又可以免費和家長入住不用額外收費等（即不用額外加床費），這類問題，就等我和大家分享一下經驗。 大部份台灣既酒店，6歲以下小童和家長入住都是免費 （我只是說大部份呀），但 6 歲以上就需要付加牀費。 其實相關條款可以在那裏查看呢？其實只要去到 Agoda ，選好酒店和日子後，您會見到可供預訂的房間最多可以住多少人，見下圖： Agoda ：http://www.agoda.com.hk/asia/-taiwan/taipei/westgate_hotel.html 之後您再點擊「?」，就會見到相關條款，例如台北西門町的永安棧就寫明 0 -5歲可以免費入住，6歲以上就要加牀。(下圖) 不過，各處鄉村各處例，一部份國際連鎖酒店如 Holiday Inn， Ibis ，Novotel 等，15歲以下都是免費的。 上年有朋友去過倫敦 ，入住 Holiday Inn，兩個15歲小朋友同屋企人入住都可以免費，仲有免費早餐，所以訂之前得睇清楚。 例如 Novotel Singapore咁，寫住2-15歲都可以免費入住，唔洗加錢。(下圖) Novotel Singapore： http://www.agoda.com.hk/asia/singapore/singapore/novotel-singapore_clarke_quay_hotel.html 除了Novotel 星加坡之外，星加坡聖淘沙(Sentosa) 入面大部份酒店個 Policy 都係15歲以下免費，不用加牀。 有什麼方法可以快速找到小童可以免費和成人一齊入住的酒店呢？ Agoda 網站有個不足之處，就是不能用入住人數去搵酒店 （印象中以前是有這個功能的），如果大家不想自己每間酒店去查條款，我會建議大家用 Expedia 或 Hotels.com 會方便一點。 我就用 Expedia 說明一下吧！ 先去 www.expedia.com.hk （這是香港站，如要用其它貨幣付款就要去不同地方的 Expedia 網站)。 在 Expedia 首頁搜尋酒店時，可以輸入同行小童的年歲 (下圖) ，之後就按「搜尋酒店」。 然後去到第二頁，已經可以立即查看到可以連小童一齊入住的價錢 再點進去，就可以見到房間容許 2
( 閱讀更多 )

如果大家希望住得平D，又或者一個人去旅行想識多D朋友，可以考慮住 Hostel ，台灣有好多又平又乾淨既 Hostel 可以選擇，價錢大約1百至3百元蚊港幣一晚，非常化算。Hostel 價錢平，因為住 Hostel 係要同人share 房和廁所，一間房大約會有四至6個人，不過如果您好彩，有網友一個人住一間房亦見過。 您好台北 NiHao@Taipei 首先大家可以考慮入住「您好台北 NiHao@Taipei Hostel」，這間Hostel 好近台北車站，因為地點好方便，所以好受歡迎。 有自己的Locker 睡房： 浴室： Agoda 訂房： http://www.agoda.com.hk/asia/taiwan/taipei/nihao_taipei_hostel/reviews.html Star Hostel 另一間可以考慮是Star Hostel，價錢超平，只是1百幾蚊港紙一晚，在網上找到一些圖片給大家參考，不要以為hostel 一定無酒店咁靚，其實台灣既hostel 係好乾淨，好能睇完相後您會改觀。首先入門口要o都o卡! 保安好安全 地點方便，在台中山捷運站步行大約3分鐘就到，或者台北車站出都得。 這間 Star Hostel 好整潔，根本就像個很有style的大家庭! 整個感覺就是很舒適，而且有免費wifi 供應，岩晒夜晚返房上網。 感覺很不錯 廚房：基本上杯子，碟子都會有。 加入標題 房間 至於廁所跟浴室, 雖然是男女共用,但非常乾淨整齊。 依間 Star hostel 得 Hostelworld 有得訂： http://www.hostelworld.com/hosteldetails.php/STAR-Hostel-Taipei/Taipei/43313 阿貓亂走 (Amouwalker Hostal) 尾二這一間，就係阿貓亂走 (Amouwalker Hostal)。阿貓亂走在捷運忠孝新生站5號出口旁，價錢大約 HKD150 至 HKD200。阿貓亂走是由畫家經營，所以不定期都佰有舉辦展覽、 藝文活動，所以hostel 適合一些喜歡藝文、國際交流的背包客，阿貓亂走以女生為主
( 閱讀更多 )

東區 – 忠孝敦化站 東區係一個較為清幽寧靜嘅小區，入面除佐有好多特色小鋪同咖啡室，裝修到好似藝術館一樣，仲有日本 feel 嘅懷舊街道，可以影好多靚相。如果要遊遍全個東區，一定要花上兩日時間，因為店鋪會較晏開門，所以去到食完午飯先開始行街都未遲。 去東區好方便，坐捷運板南線到忠孝敦化站下車。東區啲路都算易認，全部店鋪係車站附近，如果第一次去，可以認住敦化南路一段 (建議係8號出口出)，果度有好多自家小店，服裝店、飾物店同精品店，再沿著地圖搵就一定唔會行錯。 忠孝敦化站嘅另一方向係忠孝復興站，兩個站由一條地下街貫通，地下街有店鋪俾大家shopping 。如果唔想行過去，可以坐一個捷運站去行埋另一邊都得。  記得 Download 下面個路線圖同出口指引先出發呀。  http://web.trtc.com.tw/img/ALL/Route2200/010.jpg  係東區可以行街食野嘅地方實在太多，所以每次只可以睇準心水嘅幾間餐廳，cafe同店鋪去行去試，如果去到先慢慢揀就會浪費時間架啦。    敦化南路一段已經有很多時裝小店 而這裏亦有一些有特式的餐廳，例如這間來自韓國的「一道氏燉雞」店。     Dazzling café Dazzling café 係東區好受歡迎嘅餐廳，上年在香港尖沙咀都有分店了，不過我試過去尖沙咀那分店，最少亦要等一小時以上才有得食。所以去到台北忠孝敦化東區，就一定要來主店潮聖一下，因為佢個招牌吐司，真的好好食。 餐廳裏面   試佐招牌蜜糖吐司，金黃色吐司加佐奶油同砂糖，旁邊嘅雪糕係用 Movenpick，好好味。    Dazzling café 相當受歡迎，假日一定要訂位先至有得食，每日早上11:30 開始派 ticket ，12:00 先至正式開店，用餐時間只有 45 分鍾，真係有啲趕呀。 Dazzling café既位置 檢視較大的地圖   台北市忠孝東路四段205巷7弄11號(微風二館後方) (忠孝敦化站出口2) 營業時間：11：00～23：00 (例假日營業到24：00) Tel: (02)8773-9229     糖村牛軋糖 東區仲有一間好出名手信店，就係糖村牛軋糖，去東區可以買番D返香港做手信。 糖村牛軋糖位置： 檢視較大的地圖
( 閱讀更多 )

去西門町，有幾個景點和美食是必定要試的，景點包括西門紅樓，信義誠品，美食包括、阿忠麵線、大腸包小腸、鹽酥雞、蜂蜜苦瓜汁、蔥抓餅、珍珠奶綠等等。不如我就寫番上次去台灣的行程俾大家睇。 必食篇 我上幾次去台北，入住過永安棧 和捷絲旅飯店，雖然酒店有包早餐，不過每朝我都是去永和豆漿食早餐，依間豆漿好出名，9點半後開始好多人，基本上人多到好難等到位，不過就點都要去試一試，特別是那個肉鬆蛋餅、油炸鬼加豆漿，真係香港食咁耐都食唔到咁好食。 唔好去錯，係依間「永和豆漿」 偷影下師夫先 人多到呢，所以超難等位 無記錯這是肉鬆蛋餅 價錢仲要超平 這個油炸鬼加豆漿的食法真係超好味，一定要試 基本上問酒店攞地圖，之後搵漢口街二段就識去。 永和豆漿(西門町)地址： 台北市中正區漢口街二段30號 地圖： 講到午餐或晚餐，可以考慮食一間好出名的牛肉麵 – 牛店。這間店攞過好多獎，所以非常出名，不過我食過又唔算話好特別，只可以用唔差黎形容這碗牛肉麵。 牛店牛肉麵好出名咁 入面既牛骨髓係任食的 餐牌 (有少少Out Foucs 左) 我叫的牛肉麵，不過不失，咁出名黎到當然點都要試。 牛店都唔難去，捷運站出口6或出口1，沿大路直行到昆明街轉左就會見到。 地圖： 如果唔鐘意食牛肉麵，有人推介過麻辣火鍋鍋大爺或馬辣，這兩間都係任食。如果人多，又唔介意貴少少，又去試下太和殿，想食燒既可以去西門町熊一燒肉，都係任食。 西門町熊一燒肉：http://www.bear-1.com.tw/台北市西寧南路155號2樓（萬年大樓正對面）營業時間上午十一點至凌晨三點（收客至凌晨一點半）每人399元，若想吃頂級食材，再加100元，尖峰時間用餐限兩小時，離峰時間為三小時 店家詳細位置： 講到食，又點可以唔提阿忠麵線，我自己本身就好鐘意食，所以食左兩次。 就係依隻麵喇，全店只賣一種麵，只有大小size 揀，大約NT40一碗。 阿忠麵線 http://www.ximen.com.tw/store_123 地址：台北市峨嵋街8之1號 其它街頭小食包括大腸包小腸、鹽酥雞、蜂蜜苦瓜汁，基本上好多鋪都有得賣，去到西門町大家就一定見到，而家記低要食D乜就OK。 手信篇 西門町有一間好出名既手信舖不得不題，就是港記酥皇店既鳳梨酥，其實台北出名既鳳梨酥店有好多，例如仲有微熱山丘既鳳梨酥和佳德鳳梨酥 ，不過自由行就未必個個都好方便去。間店早上9點半就開門，諗住無咁多人，點知已經見到好多人買緊手信。 港記酥皇店 http://www.ximen.com.tw/store_143 岩岩開門都咁多人 西門町仲有一間叫賣手信新東陽既舖頭，不過新東陽賣的手信就好普通，所以唔係咁建議大家去。 西門町景點 西門町最出名的景點，當然是西門紅樓，走到入面有好多賣手作仔的商店，都可以一逛。後面街就有一些可以飲酒的店，夜間三五知己傾計一流。 西門紅樓在捷運1出口一出就到，實見到。 西門町誠品 以前西門町誠品都是行程之一，不過自從銅鑼灣希慎都開了誠品之後，西門町誠品就不覺得有甚麼特別，不過西門町其實有三間誠品，其餘兩間誠品是大商場，還賣其它年青人服裝或日常用品，係潮流品牌匯集地方，當行街的可以一去。 上次我去西門町，都有搵一些晚上節目，當然唔少得去台灣的DISCO 見識一下，我在網上搵到西門町有間DISCO 叫Luxy ，女仕NT500，男仕就 NT700包兩杯飲品，逢星期三就是Lady Night，女仕仲可以免費。 入到場： 不過上之去是旅行關係，入了Luxy 一陣已經回酒店休息，因為明天還是繼續其它行程，見識過就算。 其實如果諗住去台灣目的是玩和食，咁住西門町都真的幾方便，一般既酒店價錢都好便宜，例如高絲旅飯店和愛客發大約600元一晚左右，兩個人每人一晚只是300元，所以好多人會住這兩間，其它西門町酒店，可以看西門町酒店介紹https://www.runhotel.hk/2013/05/ximen-hotels-recommand.html  如果一家大細或情侶去想住好D，可以考慮永安棧或台北車站的君品酒店或W酒店
( 閱讀更多 )

想知道最新酒店優惠，就快D“LIKE”我地既 Facebook 專頁啦！www.facebook.com/runhotel.hk 台北日記 記得第一次去台北，當時自己認識不多，所以去了專業旅運查詢一下，看看它們台北有什麼酒店介紹，再上網做資訊搜集。他們介紹了台北日記，意舍和高絲旅，除了台北日記之外，意舍和高絲旅入住過既人都話OK，又乾淨又平。但台北日記就劣評如潮，台北日記唯一優點係地點好西門町捷運，基本上一出就到西門町捷運站一分鐘就到，不過如果夏天去就小心，因為長期有幾隻蚊係入面等開餐，仲要唔止一個人講過，同埋好多人又話房間一開門有一陣很臭的味道，要自己買空氣清新劑來解決，仲人試過見到「小強」，都幾得人驚，所以大家如果唔想去「餵蚊」，又或者遇上以上的遭遇，就唔好住台北日記。 如果您都係想貪平訂既，可以去依度訂房： http://www.agoda.com.hk/asia/taiwan/taipei/diary_of_taipei_hotel.html   第二間和第三間中伏最多的酒店是東龍大飯店和懷寧旅店  這兩間酒店，其實地點都0K，不過就又舊又暗。可能大家慣左同高絲旅店和捷絲旅店比較。其實東龍房間面積幾細，價錢又唔係特別平，所以唔建議大家去試，懷寧就裝修舊、但價錢平，唔怕舊就可以考慮。 依兩間Agoda已經無得BOOK，要訂可以去 http://zh.hotel.com 睇下。   馥華商旅                   依間係講緊近南京捷運站嗰間，網上有留言話房間非常破舊和垃圾，所有東西都是那麼舊，而且顯得很污糟。其實實際上並沒有那麼污糟,但是看起來卻一點不幹凈褪色的棕色，咁多選擇，所以點解要揀依間。 第三間中伏酒店 – 東鑫商務旅館 東鑫個隔音超差，隔壁房的人講說話、或是稍微大力關門都聽得到，房間細小但還算乾淨，有網友題過早上被隔離房客的小孩喊聲吵醒。其實以上幾間酒店，都只不過是裝修已經舊了，相同價錢台北或者西門町有更多選擇，之前有一篇介紹過，有興趣可以睇西門町酒店推介 (https://www.runhotel.hk/2013/05/ximen-hotels-recommand.html) 最後兩間是台北傳聞最猛鬼的酒店 裝修舊，房間細，其實未必個個接受唔到，因為旅行好多時都只是晚上先返酒店訓，要求唔高都還可，不過，猛鬼您哋又接唔接受到？講到台北最猛鬼酒店，一定係 Grand Hyatt 君悅酒店，成間酒店都貼晒符，其他人有什麼經歷我就唔方便講，不過佢入左全球十大猛鬼酒店就唔可以唔知 (詳情：http://tw.aboluowang.com/news/2011/1101/223979.html)  (酒店相)係唔係用黎驅鬼，就見仁見智喇 如果大家咁都想試下，可以去Agoda check 下價： http://www.agoda.com.hk/asia/taiwan/taipei/grand_hyatt_hotel.html 一樂園 一樂園都有傳過有鬼，不過就唔係個個入住過都咁講，不過呢間野距離車站都好遠，無必要都唔好揀。 相關閱讀： 之前題過好多西門町酒店可以選擇，想搵其它酒店可以睇依度：https://www.runhotel.hk/2013/05/ximen-hotels-recommand.html 或者鍾意特色小鋪逛街既女仕們，可以看看忠考敦化(東區)有什麼酒店選擇：https://www.runhotel.hk/2013/05/Zhongxiao-Dunhua-Station.html 台北車站酒店推介 https://www.runhotel.hk/2013/07/taipei-station-hotels-recommend.html   ────── 相關文章 ────── 【北投溫泉酒店推介】 【台北酒店推介】Home Hotel 大安館 DAAN
( 閱讀更多 )

* 2017年更新： 西門町酒店介紹這篇文章已經是兩年前所寫，最近西門町開了一些新酒店，價錢平之餘亦近捷運，大家不妨去參考： 1. 路徒行旅 (Roaders Hotel) ：西門町酒店浸浴超級好享受，爽呀！ 2. 西門町又有新酒店喇！ 德立莊酒店(Hotel Midtown Richardson) – 超平 3 星之選 3. citizenM台北世民酒店，第一間國際連鎖酒店進駐 4. 富藝旅台北大安 (Folio Daan Taipei) ——————————————————————– 很多去台灣自由行的人，都喜歡住在西門町，除了因為西門町是購物區，類似香港的旺角，而地點亦很方便，美食又多，例如鴨肉扁、麵線，可樂餅等等。而家就等我介紹一下西門町附近香港人常住的酒店啦！ 西門町地區的酒店大部份屬於平至中等價錢，不過放心，我地介紹得，都是一些乾淨，地點又方便，適合一家大細去。綜合香港討論區，Uwants ，babykingdom 各大討論區，西門町發現最多人住既都係以下幾間。 包括 A. 新驛旅店西門捷運店 City Inn Plus (下圖 A 位置) B. 捷絲旅飯店(西門店) Just Sleep Hotel Ximending (下圖 B 位置) C. 高絲旅飯店 Go Sleep Hotel Xining (西寧館) (下圖 C 位置) D. 高絲旅飯店 Go
( 閱讀更多 )

1. 機票 去台灣自遊行，好多朋友都會上 zuji , Priceline 買自遊行套票或者去Agoda , Hotels.com 等等訂台灣的酒店，經我哋經驗，酒店好多時在 Agoda.com 訂會平少少，因為自己網上訂不經過旅行社，所以價錢一定比較平。遇上淡季，我們上次在 zuji ，訂4月台灣4日3夜機票連酒店，住西門町高絲旅店 (Go Sleep Hotel) ，機票連酒店唔洗4千蚊 (包括所有機場稅)，所以大家可以去zuji 和 Agoda 比較價錢先，不過 Zuji 訂套票就只有英文版網頁。 訂機票和酒店網址： www.zuji.com 訂酒店網址： www.agoda.com www.hotels.com 2. 簽証： 申請台灣簽証有三種方法，如果您持有特區護照或BNO之香港或澳門永久居民 或於1983年以後曾赴台之港澳居民，便可以在網上申請入台證，費用全免 (申請網址：https://nas.immigration.gov.tw/hkvisa/) ，一般申請應該會即時完成 (小編上次 5 分鐘就完成)，完成後列印出來即可，就算完成時沒有Printer ，他會給您登入名稱和密碼，之後都可以再次登入列印入簽証。      (申請台灣簽証網址：https://nas.immigration.gov.tw/hkvisa/)  另一種方法是落地簽証，即去到台灣機場先申請，申請完畢後即可入境，不過是有收費的，費用每位 NT$300。到達機場，於落機後到「出境管理局」申請即可。 更多落地簽証資料，可以去台灣移民署看看：https://www.immigration.gov.tw/ct_cert.asp?xItem=1088404&ctNode=32597&mp=1 最後一種方法，是可以直接去臺北經濟文化辦事處申請，地址：香港金鐘道89號力寶中心第一座4樓電話：(002-852)25258316辦工時間： 週一至週四 08:30 ～ 17:30 ，週五 09:00 ～ 17:00其實以上三種方法，我哋都會建議大家網上申請簽証，因為最方便和最節省時間。您都唔想一落機場又要行去「出境管理局」攪簽証，之後又要行去過關，去旅行緊係想盡快出閘啦！ 台灣簽証其它網上常問問題：
( 閱讀更多 )