喺日本有唔少卡通主題酒店,而當中好受歡迎嘅 Sanrio 酒店,除咗東京之外,沖繩都有得住喇!沖繩 Sanrio 主題酒店於 2019 年開幕,距離牧志站只需要 3 分鐘,而且鄰近國際通商店街,落街 Shopping 都非常方便!酒店內一共有 66 間主題客房,提供 2-4 人套房,而設計方面有齊 Sanrio 各大人氣角色房型,包括 Hello Kitty、My Melody、Little Twins Star、玉桂狗、Little Twin Stars、蛋黃哥、布甸狗、PC狗、XO 等等,房間內嘅佈置全部都係該公仔嘅主題,由配色、牆壁、櫥櫃用品,到紙巾盒,全部都係 Sanrio 卡通。入住期間,每間房仲會獲贈一份小禮物,入面有貼紙、牙刷、扇同購物袋,可以又住又拎! 另外,住客仲可以預約澡堂包廂,每節一小時,包廂內已準備好浴鹽、礦泉水等,可以同閨密、另一半齊齊使用。入住 8 – 9 樓的話,更可進入 10 樓嘅觀景樓層欣賞夜景、享用咖啡小食。呢間酒店仲好適合一家大細齊齊入住,主打親子酒店,可借用可愛嘅 Hello Kitty 嬰兒產品,以及按摩公仔、手提 DVD 播放器等等。酒店每一個角落都有 Sanrio 嘅蹤影,入面仲有主題 cafe、 Sanrio 精品店等等,真係啱晒 Fans! 大家一定以為主題房好貴,這間沖繩 Sanrio 主題酒店同一般酒店價錢一樣,房價大約 4 百至 6 百一晚起咋,相當便宜! 相關文章:東京酒店推介 | 日本自駕遊租車公司網站推介 | 日本購物必收藏的優惠券|日本
( 閱讀更多 )