【香港美利酒店 Garden Lounge 半自助晚餐】限時 9 折!有即開愛爾蘭生蠔、凍鮑魚!成人每位 HK$698 起,包一款自選主菜,任食海鮮、刺身、沙律吧及甜品!
香港美利酒店 Garden Lounge 每逢星期一至五晚上有半自助晚餐供應,半自助晚餐以「海鮮盛薈」為主題,任食頭盤重點有即開愛爾蘭生蠔、鮑魚、青口、吞拿魚、八爪魚等冰鎮海鮮及刺身任食,沙律吧的巴馬火腿、煙燻三文魚、熟火腿芝士沙律等等都係自助任拎。主菜方面,每位可以揀一份,當日就試咗封門柳龍蝦尾配黑松露土豆泥及西蘭花同澳洲羊排,擺盤都比得上 Fine dining 級數,份量亦唔少!另外仲有得揀辣海鮮扁意粉、煎三文魚米粒意粉、雙人海鮮拼盤及素食舞茸菇意粉。最後甜品有亞熱帶水果餅、三重朱古力蛋糕、拿破崙蛋糕、馬卡龍、冬甩等款式。即日起官網訂座,在 Special Request 填上 Runhotel,享用今次半自助晚餐即可享有 9 折,適用入座日期至 2021 年 10 月 30 日。 ────── 相關文章 ────── 【香港嘉里酒店「秋韻果漾」下午茶第2 位HK$10】人均 HK$197 起嘆煙燻三文魚牛油果撻、鵝肝泡芙、柚子蝦多士等等 【將軍澳皇冠假日酒店紫粵軒金秋大閘蟹宴】低至8 折!5 款菜式連兩隻約四両正宗江蘇大閘蟹人均 HK$588 起!