郵輪公海遊好唔好玩?皇家加勒比郵輪體驗總結 + 你問我答
疫情去唔到旅行的期間,唯一可以真正感受到離開香港的遊輪公海遊,2021 年 11 月,我就去咗 4 日 3 夜的皇家加勒比郵輪海洋光譜號公海遊,入住了海景露台房,分別試咗 4 間免費餐廳與房內早餐,以及 4 間收費餐廳及酒吧,而船上主打的遊樂項目,包括甲板跳傘、南極球彈床、觀景台北極星等亦都有一一玩過晒,好多人都問好唔好玩?又值唔值? 一句總結,滿意舒服,因為皇家加勒比郵輪行程中真係會出去公海,所以真係有啲啲旅行既感覺,當去一個 Hea Trip 唔錯,同埋船上而家有人流管制,唔會太多人,食野玩野唔洗排太耐。如果大家第一次去,今次就等我幫大家講解一下今次事前準備、上船安排、船上玩樂及餐飲設施,到最後落船流程之中的小貼士同注意事項,如果仲有咩未解答到大家,都歡迎大家留言發問,答到都會幫手答。 ────── 相關文章 ────── 【名勝世界壹號香港快閃優惠】最平 3 日 2 夜 2 人套票 HK$3,599 起,任玩娛樂設施,送 CLUB SIM 台灣 2 日數據卡! 【兩大郵輪優惠】星夢郵輪今年最後優惠 3 日 2 夜每位 HK$1,188 起!皇家加勒比郵輪兩晚折後最平每位 HK$2,833 起住露台房!