【香港港麗酒店住宿體驗】二人房價 HK$3,200 ,包海景房住宿、自助早餐、4 道菜晚餐,入埋 Lounge 食自助下午茶及黃昏雞尾酒!
位於金鐘的香港港麗酒店最人氣熱賣的包 4 餐連入 Lounge 住宿優惠,二人房價 HK$3,200 (已連服務費)起﹐入住海景客房住宿一晚,包雙人自助早餐、於意寧谷享用 4 道菜雙人晚餐(6 月餐牌按此 、 7 月至8 月餐牌按此),可以入 Lounge 歎埋自助下午茶同黃昏雞尾酒,加埋可以食足 4 餐,非常抵!房內仲會送港麗小熊同小鴨玩偶,提早 3 日通知酒店要慶祝生日的話,仲有免費迷你蛋糕,而慶祝周年紀念日就會送小熊玩偶同玫瑰花瓣佈置。查過系統,星期一至日房價都一樣,公眾假期入住都冇加價。
今次 Package 可以提早至 12 點入住,建議大家盡可能早啲 Check-in 避人潮,小編當日平日入住, 3 點嚟到都要攞籌排隊等 Check-in,難得 package 可以 12 點入住應該早啲黎Checkin 咗先。另外仲有個小貼士,如果想房內睇到多啲海景,可以於預訂時要求 54 樓以上客房(視乎供應情況而定)。餐飲方面,早餐同下午茶可選擇於 Lounge 或咖啡園享用,而晚間雞尾酒亦可選擇於 Lounge 或 Lobby Lounge 享用,大家可於登記入住時揀定。而小編就揀位於酒店 59 樓的 Lounge 食下午茶同晚間雞尾酒,可以睇住海景食好 Chill。Nicholini’s 的 4 道菜雙人晚餐份量啱啱好,仲包埋白酒添啊!而早餐就於咖啡園享用,呢邊有露天座位提供,鍾意曬下太陽可以揀呢邊食,而且早餐提供的款式都會比較多,中、西、日式都有齊。
適用入住日期:即日起至 2021 年 8 月 31 日
預訂網址:
https://www.klook.com/zh-HK/activity/40668-conrad-hong-kong-nicholinis-brasserie-dinner/?aid=16?&aff_ext=conrad
▼酒店大堂
▼提提大家,今次 Package 可以提早至中午 12 點入住,呢段時間 Check-in 人流會比較少,小編體驗當日係平日,於一般登記入住時間 3 點去 Check-in 都要攞籌排隊,所以建議大家都係提早去比較好
▼等 Check-in 的時候,可以去旁邊坐下先
▼酒店每間房門口都有貼紙,保證客房在消毒清潔後無人入房,住落更安心。
▼小編當日住的豪華海景客房位於 57 樓,望出去都睇到大半海景。如果想睇多啲海景,可以於預訂時要求 54 樓以上客房(視乎供應情況而定)
▼酒店與滴露合作,除了各出入口有提供滴露消毒搓手液之外,房內亦有提供滴露消毒濕紙巾一包及口罩兩個,隔離隻小熊玩偶都係送㗎!
▼迎賓果盤
▼Nespresso 膠囊咖啡、Tea WG 茶包都係免費提供,另外仲有酒同汽水但就要額外收費
▼洗手間有齊企缸同浴缸,而且有電視可以邊睇邊浸浴,仲有送隻小鴨玩偶陪你添!另外有兩個洗手盤,而廁所就獨立一間。
▼提供上海灘備品
▼衣櫃內有浴袍、夾萬同多一個風筒
▼ 行政貴賓廊位於酒店 59 樓,窗邊位置可以睇到海景。每日早上 6:30 至 11:00 為早餐時段,下午 3:00 至 5:00 為下午茶時段,而下午 5:00 至夜晚 7:00 為雞尾酒時段。
▼下午茶以自助形式供應,小編體驗當日有英式鬆餅、葡撻、泡芙、士多啤梨蛋糕、水果等等
▼雞尾酒時段,除了有紅、白酒,住客亦可以點果汁、汽水或 Mocktail
▼可以望住個海飲,勁 Chill~
▼仲有小食可以佐酒,小編體驗當日就見有雞翼、漢堡包、布朗尼等。
▼部份小食仲要係用焗爐熱住㗎
▼晚間雞尾酒亦可選擇於 Lobby Lounge 享用
▼於意大利餐廳 Nicholini’s 享用雙人 4 道菜晚餐
▼小編當晚坐窗邊可以睇到海景,晚餐仲有包埋白酒添啊
▼三文魚他他,甜茴香,松子仁,青蘆荀,意大利檸檬
▼水牛芝士,蕃茄忌廉,蒜蓉麵包粒
▼螺絲粉,野菌,青豆,火腿粒,巴馬芝士
▼長通粉,虎蝦,蕃茄白蘭地汁
▼香烤西冷牛扒,玉米忌廉,紅酒汁,蘆荀
▼香煎鯛魚,甘筍慕絲,四季豆,醃朝鮮薊
▼西西里卡撒雪糕蛋糕
▼意大利芝士蛋糕
▼ 早餐小編揀於咖啡園享用,食物款式會比 Lounge 多一啲,而且有露天座位提供
▼麵包有好多款
▼西式早餐有薯餅、煙肉、炒磨菇、腸仔、炒蛋等
▼中式有齊粥、粉麵檔、炒飯、點心、油炸鬼等等
▼有即叫即整奄列
▼仲有日式的茶碗蒸同蒸三文魚
▼另外仲煙肉、芝士、乳酪、沙律同水果等等
▼酒店露天泳池開放時間為早上 6:00 至夜晚 10:00,住客需提早預約使用時間,每房每天最多可預約一節時段,每節 50 分鐘。想曬太陽的話,可以預約 12 點前的時段。
▼酒店健身室
優惠詳情:
- 1 晚海景客房住宿 (提供特大床房/雙人床房, 供應視乎酒店細則及情況而定)
- 雙人自助早餐
- 意寧谷 4 道菜雙人晚餐(價值2354港幣) (因應新冠肺炎,用餐地點會視乎酒店實際安排而定)
- 行政貴賓廊下午茶及黃昏雞尾酒 (週末期間或改作於酒店其他餐廳提供)
- 獨家禮物:港麗小熊及小鴨玩偶
- 餐牌詳情可往下查看: 5月至6月 / 7月至8月
- 晚餐第一輪用膳時間:18:00,第二輪用膳時間:20:15
- 因應香港政府之防疫指引, 若在體驗日當日指定餐廳未能提供入座餐飲, 酒店將為已確應預訂的賓客提供其他餐膳服務作選項。酒店預訂部將會與賓客直接聯繫, 有關替代餐膳安排亦受餐廳實際營運約束
- 慶祝生日可獲免費迷你蛋糕 / 周年紀念可獲小熊玩偶及玫瑰花瓣佈置 (請於3天前與酒店聯絡以作安排, 所有免費禮遇均受酒店之條款及細則約束)
條款及細則
- 此憑證只於指定日期有效
- 如你於預約時間起計15分鐘內仍未抵達餐廳,餐廳將取消你的訂座,而不作另行通知,亦不會發還退款
- 適用於堂食及外賣
- 0-5歲兒童可與同行顧客分享膳食,亦可額外點餐
- 第三名入住客人(年滿6歲或以上) 須另付港幣1200元 (星期日至四) /港幣1400元 (星期五至六、6月13, 14, 20, 30日及7月1日) 以享用此方案之餐飲住宿及加床服務
港麗酒店
地址:金鐘金鐘道 88 號 (港鐵金鐘站 F 出口,步行 5 分鐘)
港麗酒店其它現有優惠
- 1 磅價錢:HK$368
- 1.5 磅價錢:HK$468
- 1 磅價錢:HK$368
- 1.5 磅價錢:HK$468
- 1 磅價錢:HK$368
- 1.5 磅價錢:HK$468
- 1 磅價錢:HK$368
- 1.5 磅價錢:HK$468
- 1 磅價錢:HK$368
- 1.5 磅價錢:HK$468
- 1 磅價錢:HK$368
- 1.5 磅價錢:HK$468
- 1.5 磅價錢:HK$468
- 1.5 磅價錢:HK$468
- 1.5 磅價錢:HK$468
- 1.5 磅價錢:HK$468
- 1.5 磅價錢:HK$468
- 1.5 磅價錢:HK$468
2大2小(4歲, 半歲), 要否加錢?
每位額外入住客人之收費如下 (包括自助早餐及晚餐)
3歲或以下免費
4至12歲:港幣400元 / 位 (最多兩位)
13歲或以上:港幣1,150元 / 位 (最多一位)
要先訂兩個人,預訂後聯絡訂房部
是不是訂了
再要打電話?
唔洗架,官網訂既時候選左日子,所以唔使再打電話㗎啦
但我見唔到有Anniversary Package呢個揀?
咁我係咪即係無呢個優惠?
但我見唔到有Anniversary Package呢個揀?
咁我係咪即係無呢個優惠?
因為好多人訂,好多日子都full 左喇,你訂遠 D 既日子試下。
Do we need to make a reservation for the dinner buffet separately after booking this package?
no need for this package. If they allow you to book, that means they reserved seat for you.
想問依個package有無lounge access?
週年紀念套餐。11上午 提早登記入住,自助早餐及 2 人團體優惠券晚餐。<—官網只係咁寫, 海景房係唔係訂左再email去確認升級?
係呀,總之係 “周日至周四” 入住就有得升
找不到Anniversary Package$1990套餐,以約十一月尾也找不到thx
今朝再試下,佢地 Fix 番喇。https://bit.ly/3mtFl6N
找不到Anniversary Package$1990套餐,以約十一月尾也找不到thx
你訂平日定星期六先?平日有呀
12月係咪未有? live chat問員工話12月冇呢個優惠
自己上官網搵,唔好信 CS ,有時佢地 update 都唔夠我地快
唔好信 CS ,有時佢地 update 都唔夠我地快。。。。咁都得? 咁垃圾嘅CS都有?!
但係官網冇
想問結婚週年入住,酒店有何特別安排
可以 email 番酒店問,未必會有咩特別安排