【富國島太陽世界遊記】體驗全世界最長跨海纜車、玩轉水上樂園、必打卡日落小鎮＋接吻橋、精彩表演「海洋之吻」！
之前已經同大家介紹過富國島珍珠野生動物園 Safari Phu Quoc、富國大世界 Grand World Phu Quoc，以及富國島珍珠遊樂園 3 大景點，呢 3 個景點都係位於富國島北邊，如果你入住富國島南部，就一定要去呢個好近又好多嘢玩嘅南部人氣景點：富國島太陽世界喇！
富國島太陽世界係有超多嘢玩，可以一日內體驗全世界最長的跨海纜車、Aquatopia 水上樂園、打卡勝地接吻橋、日落小鎮 Sunset Town、 Love Hurricane – 水上摩托車秀，夜晚仲可以睇埋好精彩嘅 Kiss of The Sea 海洋之吻表演添！等小編為大家整理行程，同埋介紹每個景點嘅賣點啦！
富國島跨海纜車
日落小鎮 Sunset Town 係上述一系列景點嘅起點，喺呢度搭跨海纜車去Aquatopia 水上樂園，而接吻橋、水上摩托車秀、海洋之吻表演都係位於日落小鎮。有酒店唔少都會提供免費 shuttle bus 往返，大家不妨查詢一下，再留意接送地點。嚟到日落小鎮，建議大家去搭咗富國島跨海纜車先，纜車每日只開放 3 個時段：09:30-11:30、13:30-14:30、15:30-17:00，如果大家想花多啲時間玩水同機動遊戲，最好第一個時段就上去！跨海纜車由 An Thoi 行駛到 Hon Thom 香島，簡單嚟講就係由日落小鎮去到太陽世界，呢個係全世界最長嘅跨海纜車，有成 7,899 公尺長，大約需要 20 分鐘，入面有 4 排座位都頗大，最多可以容納 30 人，同時係透明玻璃設計，景色一覽無遺，俯瞰整個日落小鎮嘅景致。
▼跨海纜車由 An Thoi 行駛到 Hon Thom 香島
▼景色一覽無遺
▼入面有 4 排座位都頗大，最多可以容納 30 人
太陽世界
纜車嘅終點係太陽世界，可以分為水上樂園及陸上機動遊戲兩部分。陸上機動遊戲必玩「Roaring Timbers」係全世界最長嘅木製過山車，相當刺激！想休息下可以去玩Eagle’s Eye 嘅「360度旋轉觀景台」，多角度欣賞太陽世界。玩到熱熱哋就可以過「Aquatopia 水上樂園」，入面大約有 21 項設施：好似 Lost Lagoon 漂漂河、人造浪 Paradise Bay ，仲有好多條非常刺激嘅滑水道 Python Plunge & KING & Queen Cobra、「Poseidon Revenge & Medusa’s Trap」，連水上滑板都有得玩，溫和啲嘅都有 Sea Dragon ，同時仲有兒童戲水區，大人小朋友都好啱玩！成個太陽世界可以玩 3 小時以上，大家最遲 5 點就要搭尾班纜車去返日落小鎮。
▼太陽世界
▼可以分為水上樂園及陸上機動遊戲兩部分
▼「Aquatopia 水上樂園」入面大約有 21 項設施
▼「Roaring Timbers」係全世界最長嘅木製過山車
接吻橋
回到日落小鎮後﹐每日 17:45 分可以到接吻橋欣賞精彩嘅Love Hurricane – 水上摩托車表演，結合音效、燈光帶來超精彩嘅表演。不過每到雨季就會暫停，2024 年 5 月 16 起就會暫停表演，預計 9 月會重新開始。接吻橋 Kiss Bridge 係另一個必打卡景點，於 2023 年開幕，以牛郎織女相隔兩地為靈感，每日嘅日落時分夕陽都會穿過橋嘅中間，情侶喺兩邊接吻就會有情人終成眷屬喇！
▼Love Hurricane – 水上摩托車表演
▼結合音效、燈光帶來超精彩嘅表演
▼接吻橋 Kiss Bridge 係另一個必打卡景點
Kiss of The Sea
最後一個必去嘅景點係超精彩嘅演出「海洋之吻（Kiss of the Sea）」，由法國 ECA2 公司設計，帶來沉浸式多媒體表演，融合水、火、舞蹈、音樂，以及越南嘅傳統故事與文化，所組成嘅一場精彩演出，去到最後仲會有一連串超正嘅煙花，將氣氛推至高峰，可以話係一起必睇嘅精彩表演。
▼超精彩嘅演出「海洋之吻（Kiss of the Sea）」
門票購買
如果你都計劃去富國島太陽世界玩的話，建議大家可以提早上 Kkday 買定門票，選項非常多，來回票 ＋ 自助午餐 ＋ Kiss of The Sea 門票 ＋ 接吻橋門票（QR Code直接入場）HK$438（已連服務費）起，基本上已經包晒所有景點，亦可以揀自己想要嘅組合：太陽世界 Hon Thom 自然公園來回門票 + 免費接吻橋門票（QR Code 直接入場） HK$197（已連服務費）起、太陽世界自然公園來回纜車票 ＋ Kiss of The Sea + 接吻橋門票（QR Code 直接入場） HK$350（已連服務費）起等等，非常方便！
另外，即日起至 6 月 30 日，憑東亞銀行信用卡預訂旅遊產品滿 HK$800，輸入「KKD150BEA」即享 HK$150 折扣。安信 WeWa 卡及EarnMORE 信用卡，簽賬本地及海外旅遊吃喝玩樂產品滿HK$800，輸入「KKDWEWA24」享即時 HK$150 優惠，新會員 APP 首單，輸入「KKDWEWA200」更可享總折扣 $200。
▼預訂網址▼
https://www.kkday.com/zh-tw/product/100556-sunworld-hon-thom-nature-park-ticket?cid=2058&ud1=Vietnam
