【富國島珍珠遊樂園＋野生動物園攻略】越南版迪士尼超啱打卡！$414 起玩盡水上樂園、主題樂園，仲可以睇美人魚表演！
最近好多人都討論緊越南富國島呢個地方，作為一個新興嘅旅遊景點，富國島可以話又係平又多嘢玩，之前同大家介紹咗兩間千幾蚊就住到嘅 Villa，宜家 RunHotel 就同大家分享一下富國島嘅必去景點啦！可能好多人都未必知富國島係一個咩地方，其實佢係位於越南嘅西南面，又名玉島，被喻為「越南版馬爾代夫」，Vietjet 航空提供香港來回富國島嘅直航班機，航程大概係 2 小時 45 分鐘，每星期有 4 班。由香港去富國島都非常方便，30 日免簽證話行就行，宜家 Kkday 推出一系列機票連酒店住宿嘅套票，6 日 5 夜每人HK$2,930（已連服務費、稅）起包機票（20KG行李）連住宿，勁抵！今次同大家介紹一下富國島兩大必去景點，富國島珍珠遊樂園及富國島珍珠野生動物園 Safari Phu Quoc 距離好近，好適合放埋同一日一齊參觀！
富國島珍珠遊樂園係富國島必去嘅景點之一，位於富國島嘅北邊，由富國機場搭的士前往大概需要 50 分鐘車程，鄰近嘅景點包括有富國島珍珠野生動物園 Safari Phu Quoc 同富國大世界 Grand World Phu Quoc，慢慢玩最好分 2 日先玩得完，建議可以先入住兩晚北部酒店，再搬去南部嘅度假村 chill 返兩日。富國島珍珠遊樂園係越南富國島最大嘅遊樂園，佔地 17 萬平方米，分別有水族館、主題樂園及水上樂園 3 大區域，玩一日真係有可能會玩唔晒！
大家想去玩最好就先喺 Kkday 預訂門票，抵啲嘅同時仲可以唔使排隊，免卻溝通嘅麻煩。Kkday 上面有多種門票，一般門票（QR Code 直接入場） HK$199（已連稅及服務費）起，玩富國島珍珠遊樂園再送免費餐券（成人票額度：250,000 VND ; 兒童/長者票額度：150,000 VND） ；如果會去埋野生動物園就可以揀套票：珍珠樂園 ＆ 野生動物園（QR Code 直接入場），可獲得免費餐券：成人/長者票面額越南盾350,000，兒童票面額越南盾175,000，門票 HK$414（已連稅及服務費）起；另一個套票[無限通行] 珍珠樂園 ＋ 野生動物園 ＋泰迪熊博物館門票（QR Code 直接入場）可獲得免費套餐/自助餐券：成人/長者票面額越南盾350,000，兒童票面額越南盾175,000，每張 HK$534（已連稅及服務費）起。Kkday 亦有推出機＋酒套票係送埋富國島珍珠遊樂園門票/富國島珍珠野生動物園㗎，如果訂咗就可以唔使再另外買門票喇！
▼富國島珍珠遊樂園＋
富國島珍珠野生動物園預訂網址▼
https://www.kkday.com/zh-tw/product/100869-vinwonders-phu-quoc-theme-park-ticket?cid=2058&ud1=Vietnam%EF%BB%BF
▼機＋酒自由行套票預訂網址▼
https://www.kkday.com/zh-hk/product/167166?cid=2058&ud1=Vietnam
或
https://www.kkday.com/zh-hk/product/168075?cid=2058&ud1=Vietnam
富國島珍珠遊樂園
第一站先同大家介紹一下有「越南版迪士尼」之稱嘅富國島珍珠遊樂園，一入到就會見到粉紅色嘅城堡，配上藍天白雲真係好有迪士尼嘅氛圍！入面一共有 6 大主題區：歐洲街道、童話世界、龍捲風世界、冒險世界、海王宮殿同神秘維京村莊，有各種適合唔同年齡層嘅機動遊戲，好似有摩天輪、過山車、旋轉木馬、海盜船、碰碰車等等，小編覺得最正嘅係唔算好多人，每個遊戲排 5 分鐘左右就可以玩到，瘋狂 encore 玩到暈都冇問題！玩到熱仲可以去入口處附近嘅機舖玩一陣，入面係有強勁嘅冷氣，而且入面嘅遊戲機都係免費㗎！
▼富國島珍珠遊樂園真係好大好多嘢玩！
▼就咁睇係咪同迪士尼好似呢～
▼粉紅色嘅城堡係必打卡景點！
▼機舖入面有強勁嘅冷氣，而且入面嘅遊戲機都係免費㗎，好似籃球機、賽車等等都可以任玩！
▼機動遊戲選擇都唔少，最正係唔太使排可以係咁玩！
▼如果唔敢玩太刺激嘅機動遊戲，摩天輪絕對係你嘅首選，仲可以由另一個角度欣賞樂園添！
龍捲風世界水上樂園 Typhoon World
可以一次過滿足你兩個願望嘅富國島珍珠遊樂園，除咗機動遊戲外，仲有超正嘅水上樂園，門票已經包括埋任玩水上樂園㗎喇，請好好準備你嘅泳衣、人字拖、替換衣服去瘋狂玩水喇！水上樂園都相當好玩，以夏威夷為主題，有超長嘅滑水道、人工造浪池、高空刺激水道、懶人池等等，仲有畀小朋友玩嘅小型水道，大人小朋友都會玩到唔想走！
▼水上樂園都相當好玩，大人小朋友都有啱玩嘅設施
▼又長又刺激嘅滑水道，最攰係要行上一層層嘅長樓梯先可以玩，建議大家一定要著拖鞋，赤腳行會超熱超痛！
海王宮殿 The Sea Shell
玩到咁上下又熱又攰？係時候去水族館睇表演喇！海王宮殿 The Sea Shell 位於富國島珍珠遊樂園入面，水族館造型係個巨型嘅大海龜，超搶眼一定唔會錯過！水族館佔地 150,000 平方公尺，仲要係全球第 5 大嘅水族館，分為 3 層，順住人流向前行，你會經過巨型水槽、步入式隧道、水母區、熱帶魚，仲有超得意嘅企鵝，成班企鵝搖搖擺擺地行嚟行去非常活潑，估唔到賣南咁熱嘅地方都可以睇到咁多海洋生物！
而每日嘅 11:00、14:00 都有美人魚表演，想睇記得要起碼早 15 分鐘去排隊，如果唔係連企都冇位企！小編覺得呢個表演都相當精彩，一共有 4 位美人魚出場表演，身上係無任何氧氣裝備，以深潛方式表演 10 分鐘，期間仲會不停對住觀眾比心心，以及做各種高難度動作，如果大家肚餓的話，可以喺海王宮殿享用午餐，咁就可以一邊食飯，一邊欣賞美人魚表演喇！
▼好 IGable 嘅步入式隧道
▼不時會有各種熱鬧表演
▼可愛嘅小企鵝，而且數量都唔少！
▼沿路仲會見到水母區、熱帶魚
▼不能錯過嘅美人魚表演！
富國島珍珠野生動物園
另一個必去嘅景點係富國島珍珠野生動物園，可以大致分為動物園區及野生動物園區，前者同一般嘅動物園分別不大，大家可以步行又或者乘搭 buggy 喺園區內遊走，隔住圍欄去觀察每一種動物，後者就係搭 Safari 遊覽車，進入野生動物保護區，近距離觀察各種動物嘅野生生長環境。富國島珍珠野生動物園嘅動物都唔少，係全越南最大嘅野生動物園，有 150 種、3,000 多隻嘅動物，係大人小朋友都必到嘅景點。
▼富國島珍珠野生動物園可以分為動物園區及野生動物園區
▼如果你同小編一樣唔想行的，可以畀 100,000 越南盾（約 HK$30）搭 buggy，可以隨時上落無限搭，司機會沿路介紹動物，想影相可以隨時落車
一入場會先見到 Kid Zoo 兒童區，可以免費餵羊仔同睇狐獴。之後沿著山路慢慢行，就會見到駱駝、環尾狐猴、大象、馬來貘、袋鼠、紅鶴等等。之後必去嘅係長頸鹿餐廳，大家可以直接喺長頸鹿餐廳用餐，又或者單純買紅蘿蔔去餵長頸鹿都冇問題，唔消費齋打卡都可以㗎！餐廳內嘅圍欄係半個人咁高，所以長頸鹿會伸長條頸入餐廳，係非常近距離嘅接觸！動物園仲會定時舉行餵食 show，如果想睇的話不妨 mark 實時間去喇（時間或有變動，僅供參考）：
09:30 – 09:45：火烈鳥餵食時間
11:00 – 11:15：孟加拉虎
11:00 – 11:15：鱷魚
10:30 – 10:45：熊
10:45 – 11:00：駱駝
10:45 – 11:00：白虎
▼沿路會見到各種各樣嘅動物！
▼ Kid Zoo 兒童區可以免費餵羊仔同睇狐獴，仲有各種 BB 小動物
▼長頸鹿餐廳一定要入去，唔消費都冇問題的～
▼長頸鹿同大家 say hi～
另一個超精彩嘅行程，就係搭 Safari 遊覽車喇！ Safari 遊覽車係免費的，外型就好似巴士咁，成架車都係玻璃設計，喺講解員嘅解說下，遊覽車會慢慢進入野生動物園區，園區內係成個 Discovery Channel 咁，所有動物都自由自在地喺原始森林內生活，大家可以近距離地觀察野生動物嘅真實生活環境，由草原動物區嘅這羚羊、梅花鹿、野牛，到猛獸區嘅老虎、獅子、黑熊，仲有長頸鹿、斑馬等等，由於小編拍攝當日剛好落雨，仲會見到成班動物齊齊避雨嘅畫面添！
▼大家可以喺呢度等Safari 遊覽車，朝早唔使排隊
▼導遊會同英文同大家介紹見到嘅各種動物，仲會努力地搵出動物所在位置提大家影相
▼大家可以近距離地觀察野生動物嘅真實生活環境
▼在避雨的長頸鹿們
行程安排
總括來說，富國島珍珠遊樂園及富國島珍珠野生動物園 Safari Phu Quoc 兩個景點都係好啱大人小朋友齊齊去玩嘅景點，大家可以按照行程去決定一日玩晒，或者兩日慢慢玩。兩大景點之間有 Shuttle 交通方便，如果一日玩晒，建議可以早啲去咗動物園先，人會少啲，動物們喺早上都會比較活躍，去到下午再玩富國島珍珠遊樂園，睇完美人魚表演再去玩水，傍晚冇咁熱再玩返主題樂園，夜晚仲可以睇煙花添！
▼兩大景點之間有 Shuttle bus
▼富國島珍珠遊樂園＋
富國島珍珠野生動物園預訂網址▼
https://www.kkday.com/zh-tw/product/100869-vinwonders-phu-quoc-theme-park-ticket?cid=2058&ud1=Vietnam%EF%BB%BF
▼機＋酒自由行套票預訂網址▼
https://www.kkday.com/zh-hk/product/167166?cid=2058&ud1=Vietnam
或
https://www.kkday.com/zh-hk/product/168075?cid=2058&ud1=Vietnam
