韓國南怡島遊記(Zipwire 入島+鐵路自行車)
近排 Runhotel 小編又出遊喇,今次係前往韓國首爾,首爾除左美味的韓國料理、購物外,首爾周邊的一日遊都好值得一去。所以我們專門空出一日的時間,安排南怡島+江村鐵路自行車的一日遊。
本次的一日遊我們是提前在 Klook 上預訂的(網址可按此),屬於私人團,私人團的好處就係時間上可以靈活變動,冇太大拘束。但呢個私人團係要四人成團,如果唔夠 4 人就需要額外支付費用,所以最好搵定團友再出發喇。去南怡島的一日遊通常都會連帶其他的項目,學生時代睇 Running man 果陣就被種草了江村鐵路自行車,所以我們就決定去呢 2 個景點。
Klook 預訂網址:
https://www.klook.com/zh-HK/activity/7716-nami-island-rail-bike-petit-france-day-tour-seoul/
司機會提前一日與我們聯繫,再次確認接送時間及地點,大家可以讓司機直接黎到入住的酒店接送。7:30 準時出發!今次負責帶我們去南怡島的是一位韓國小姐姐,開車技術很穩,私家車本身清潔度好好,車內空氣也不錯,車內空間好闊落,所以非常舒適,團友們一上車立即進入補眠狀態。
經過 1 小時 20 分鐘車程就到達南怡島對岸喇!
入南怡島的方式有兩種,一個係坐船,一個係 zipwire(高空飛索)。
建議唔畏高的讀者們可以玩一下Zipwire,從高空俯瞰成個南怡島以及遠處的層層山巒,好正!
原本以為速度會好快,但實則整個過程好平穩,緩慢的在天空中飛過,一 D 都唔恐怖,好有趣!但冬天去建議大家做好保暖,真係好凍。不過這麼美麗的景色都係十分值得的。
由於我們入島時間較早,島上的旅客並不多,所以可以隨便打卡影相。
這一排白樺樹掛住好多白色氣球,好浪漫~
因為天氣寒冷,路邊有好多火爐比大家取暖~
雖然今次到首爾好遺憾冇見到落雪,但由於南怡島的溫度較低,所以都係見到雪在地上和結冰的水面。
南怡島上亦有冰雕同冰雪樂園。
島上的自然生態真的好好,一路上我們見到兔仔、松鼠、孔雀?
呢個就係島上最著名的《冬季戀歌》的雕像,兩個人的身材都好纖瘦啊~
既然來到拍攝地點,肯定要影相留戀一下喇!
避開左人潮,我們搵到一片大草地,風景亦都十分好。
然後我們乘坐觀光船回到南怡島對面享用午餐,香川鐵板雞。
用餐結束我們就坐番原來架車,出發去江村鐵路直行車的出發點。
踩自行車的過程非常輕鬆,冇需消耗太多體力。而且,今次 join 的 Klook 是有自拍杆送的,所以可以邊踩單車邊影相。
出發前睇攻略,大家都話會好凍,但是小編覺得還好。
江村鐵路的山洞真的好型,每一個都有各自的主題。風車隧道、熱舞隧道、銀河隧道
之後會經過休息站,可以在此補充能量,點一份魚餅湯、炒年糕。
然後乘坐鐵路小火車到終點,小火車有室外、室內的座位,隨意選擇,打卡影相都好正!
到達終點後,司機姐姐就帶我們回酒店了。
行程總結
對於今次行程安排,小編覺得時間上很充裕,因為我們選擇的只有兩個目的地,所以基本都可以慢慢的遊玩。原本以為司機姐姐會和我們一起上島,可以介紹一下島上的資訊比到我們,可惜她不會陪同上島,所以大家就需要拿定地圖自己睇島上有乜玩喇。
南怡島一日遊團預訂網址:
Klook
https://www.klook.com/zh-HK/activity/7716-nami-island-rail-bike-petit-france-day-tour-seoul/
KKday
https://www.kkday.com/zh-tw/product/18701?cid=2058
如果你第一次去南怡島,未知可以點編行程既,可以先參考這篇:韓國南怡島攻略