【太子酒店新餐廳 SAVVY 單點 9 折優惠】主打泰國、印度、印尼等多國菜式，必試虹吸泰式大頭蝦冬蔭功、印式秘製咖哩配烤餅、澳洲和牛西冷！
上年年尾開幕的香港太子酒店新餐廳 SAVVY，位於尖沙咀海港城 3 樓，佔地超過 8,000 平方呎非常寬敞，一入到去先會經過時尚摩登嘅酒吧，再經過現代酒廊，再入就係餐廳位置，整體環境氣氛好，價位合理，平均每位二百至四百蚊，好適合平日約埋伴侶、朋友去食飯。餐廳主打泰國、印度、印尼等多國菜式，其中招牌菜包括有以蒸漏形式加熱的「虹吸」泰式大頭蝦冬蔭功(HK$148)、一份有齊咖哩雞、羊、蝦及蘑菇的印式秘製咖哩拼盤(HK$188)、8 安士澳洲和牛西冷(HK$398)等等。另外，餐廳的雞尾酒及甜品亦相當精緻有特色，必試推介有 SAVVY 芒果糯米飯(HK$88)，有別於傳統芒果糯米飯，以椰子雪糕代替椰漿，食落好清爽，而且擺盤超靚，打卡一流！現時經訂座網站 Chope 訂位，並輸入優惠碼「CESA」，單點餐牌仲有 9 折優惠(套餐除外)。
▼ SAVVY 訂座網址 ▼
https://www.chope.co/hong-kong-restaurants/restaurant/savvy-tst?source=aff_runhotel
▼新加坡辛辣魚餅(HK$38/件)、新加坡沙嗲雞或牛串(HK$75/5 件)
▼必試招牌「虹吸」泰式大頭蝦冬蔭功(HK$148)，以蒸漏形式加熱，味道好正宗，而且香料味濃郁，大約小辣程度，唔會太過刺激。
▼印式秘製咖哩羊肉配烤餅(HK$188)，包括有咖哩羊、咖哩蘑菇、燒雞、印度薄餅、印度脆餅及印度米飯，可以一次試晒咁多款超滿足，仲好適合幾個人 Share 食！而照片後面是印度咖哩蝦配印度蒜香烤餅 (HK$140/2 件)，每隻蝦都有一隻手指咁長，超大隻。
▼8 安士澳洲和牛西冷(HK$398)，肉質嫩滑肉味香濃
▼SAVVY 芒果糯米飯(HK$88)，有別於傳統芒果糯米飯，改以椰子雪糕代替椰漿，食落更加清爽，而且擺盤超靚，打卡一流！
▼仲有多款蛋糕供應，包括松露朱古力蛋糕、士多啤梨蛋糕、檸檬蛋糕、菠蘿芒果雲呢拿蛋糕、伯爵茶及黑加侖子蛋糕、藍莓芝士蛋糕、粟子蛋糕(HK$48/件)，每款都超精緻！小編試咗其中幾款，口感、味道都好有層次，而且甜而不膩，好有水準。
▼小編當晚亦試了兩杯雞尾酒(HK$128/杯)，兩杯酒味都唔會太濃，好似果汁咁相當易入口，女士們都一定會愛上。(餐牌按此)
▼ SAVVY 餐廳
SAVVY
地址：九龍尖沙咀海港城廣東道 3 號 GW 3209A (近 Nike 和 shishedo 店旁邊 )
▼ SAVVY 訂座網址 ▼
https://www.chope.co/hong-kong-restaurants/restaurant/savvy-tst?source=aff_runhotel
