【東京迪士尼海洋夢幻泉鄉酒店】東京迪士尼新園區全新酒店搶先公開!提早 4 個月預訂,入住可早 15 分鐘入園+特別通道入夢幻泉鄉!
東京迪士尼新園區「Fantasy Springs 夢幻泉鄉」於 2024 年 6 月 6 日開業,以重現《冰雪奇緣》艾倫戴爾王國、《魔髮奇緣》高塔,以及《小飛俠彼得潘》嘅夢幻島,打造全新魔幻童話王國。
▼Fantasy Springs 夢幻泉鄉
另一個亮點,自然係全新東京迪士尼海洋夢幻泉鄉酒店,同園區同步開幕。東京迪士尼海洋夢幻泉鄉酒店設有兩種風格,豪華館和夢幻館。夢幻館以花草植物為概念,大廳有各種《魔髮奇緣》嘅元素、中庭嘅噴水池就以《美女與野獸》為主題。酒店一共有 419 間客房,所有房型都以動植物、魔法噴泉等主題風格設計,房間最細都有 41 平方米,最多可以 4 個大人齊齊入住。豪華館有 56 間客房,被形容係東京度假區最頂級嘅住宿,面積約 70 平方米起,最多可入住 4 人,可以分為客廳及臥室,房間內有各種迪士尼元素嘅設計,部分房型更加設有陽台,一推開窗就可以遠眺冰雪奇緣及小飛俠園區,感受迪士尼嘅氣氛。
▼全新東京迪士尼海洋夢幻泉鄉酒店
▼豪華館
▼夢幻館
入住好處
入住全新東京迪士尼海洋夢幻泉鄉酒店可享多個額外禮遇,住客可比一般遊客早 15 分鐘入園(須持有園區票券)、由專用的園區入口直接進入夢幻泉鄉,當園區門票賣完時,可以經酒店買門票入場,更可以購買「一日護照:神奇的夢幻泉鄉」,不須指定夢幻泉鄉內遊樂設施的時段,即能以較短的等候時間輕鬆體驗,咩時間去夢幻泉鄉內遊樂設施都得,仲可以買獨家住宿紀念商品「Disney Hotel Exclusive」添!而入住豪華館的話,更可由專用的豪華館通路,直接進入夢幻泉鄉,以及入手只限豪華館的住宿遊客可購買的特別商品。
價錢及預約方法
目前東京迪士尼海洋夢幻泉鄉酒店已經開放預約,只可以經迪士尼官網預約,可於入住前 4 個月前嘅上午 11 時正開始預訂,例如想於 2024 年 9 月 18 日入住,就可以於 5 月 18 日上午 11 時正(日本時間)開始預約,目前係一開賣即賣晒好難搶到,9 月 8 日前嘅住宿已經全部爆滿,想住就一定要校定鬧鐘喇!夢幻館房價 66,000 日圓起、豪華館房價 341,000 日圓起。小編試過 10 點幾(香港時間)就已經 book 唔到喇,所以一定要準時上去搶!
▼預訂網址▼
https://www.tokyodisneyresort.jp/tc/hotel/fsh.html
其它東京文章